ເຊົາດານ ຫຼື ຊູດານໃຕ້ ດິນແດນນ້ອຍໆ ທີ່ຕັ້ງຢູ່ທາງຕະເວັນແແກສຍງເໜືອຂອງທະວີບແອຟຣິກາ ເປັນປະເທດນ້ອງໃໝ່ຫຼ້າສຸດຂອງໂລກ ຫຼັງແຍກຕົວອອກຈາກປະເທດ ຊູດານ ໃນປີ 2011
ກວ່າ 4 ປີ ນັກຈາກໄດ້ປົກຄອງຕົນເອງ ຊູດານໃຕ້ບໍ່ພຽງແຕ່ຍັງບໍ່ທັນມີຄວາມເຂັ້ມແຂງ ແຕ່ຍັງຖືກຊ້ຳເຕີມດ້ວຍສົງຄາມກາງເມືອງໃນປີ 2013 ລັງຈາກປະທານາທິບໍດີ ຊັລວາ ເຄຍຣ໌ ຂອງຊູດານໃຕ້ ກ່າວຫາວ່າ ທ່ານ ຣິດ ມາຊາຣ໌ ຄູ່ປັບທາງການເມືອງພະຍາຍາມຈະໂຄ່ນລົ້ມອານາດຕົນ ຈົນນຳໄປສູ່ການສູ້ຮົບກັນລະຫວ່າງກຸ່ມຊົນເຜົ່າດິງກາທີ່ໃຫ້ການສະໜັບສະໜູນປະທານາທິບໍດີ ເຄຍຣ໌ ກັບຊົນເຜົ່າ ນູເອີຣ ທີ່ສະໜັບສະໜູນທ່ານ ມາຊາຣ໌
ຂໍ້ຕົກລົງສະຫງົບເສິກທັງສອງຝ່າຍໄດ້ມີຂຶ້ນໃນປີ 2015 ແຕ່ກໍ່ຖືກຈີກຖິ້ມ ຫຼັງເກີດການປະທະກັນຂຶ້ນອີກໃນນະ ຄອນຫຼວງ ຈູບາ ເມືອງຫຼວງຂອງຊູດານໃຕ້ ໃນກາງປີ 2016 ກ່ອນການສູ້ຮົບຈະຂະຫຍາຍລຸກລາມໄປເຖິງເຜົ່າອື່ນໆ ແລະ ພື້ນທີ່ອື່ນໆຂອງປະເທດ ທ່າມກາງການສົ່ງສຽງເຕືອນຂອງອົງການສະຫະປະຊາຊາດ (ຢູເອັນ) ເຖິງການກວດລ້າງທາງເຊື້ອຊາດເຜົ່າພັນທີ່ອາດກຳລັງເກີດຂຶ້ນຢູ່ໃນຊູດານໃຕ້
ຫຼ້າສຸດຍັງມີສຽງເຕືອນຈາກທາງຊູດານໃຕ້ ແລະ ໜ່ວຍງານບັນເທົາທຸກຫຼາຍອົງກອນວ່າຫຼາຍພື້ນທີ່ຂອງຊູດານໃຕ້ທີ່ຕົກຢູ່ໃນວົງລ້ອມຂອງສົງຄາມກາງເມືອງມາດົນກວ່າ 3 ປີ ກຳລັງພົບກັບພາວະອຶດຫິວ ຜູ້ທີ່ມີຊີວິດຈຳນວນຫຼາຍກຳລັງຈະອົດຕາຍ
ໂຄງການອາຫານໂລກ (ດັບເບິລຢູເອຟພີ) ກອງທຶນເພື່ອເດັກແຫ່ງສະຫະປະຊາຊາດ (ຢູນິເຊຟ) ແລະ ອົງການອາຫານ ແລະ ກະເສດແຫ່ງສະຫະປະຊາຊາດ (ເອຟເອໂອ) ໃຫ້ຂໍ້ມູນທີ່ໄດ້ຈາກການລົງພື້ນທີ່ບອກວ່າ “ມີປະຊົນທີ່ໄດ້ຮັບຜົນກະທົບຈາກພາວະອົດຢາກຂາດແຄນອາຫານໃນຊູດານໃຕ້ທີ່ເປັນຜົນມາຈາກສົງຄາມແລ້ວປະມານ 100,000 ຄົນ ແລະ ອີກປະມານ 1 ລ້ານຄົນ ກໍ່ກຳລັງຈະຕົກຢູ່ໃນພາວະອົດຢາກພາຍໃນບໍ່ພໍເທົ່າເດືອນຕໍ່ໜ້າ ຊູດານໃຕ້ມີປະຊາກອນທັງໝົດ 4.9 ລ້ານຄົນ ໃນຈຳນວນ 42%ຂອງປະຊາກອນທັງປະເທດກຳລັງຕົກຢູ່ໃນພາວະອົດຢາກ ທີ່ອາດນຳໄປສູ່ການເສຍຊີວິດໃນທີ່ສຸດ”
ແຫລ່ງຂໍ້ມູນຈາກ: http://www.matichon.co.th/news/472832