ເມື່ອວັນທີ 20 ກຸມພາ 2017 ສະຖາບັນວິໄຈສັນຕິພາບນານາຊາດ ສະຕັອກໂຮມ (Stockholm International Peace Research Institute : SIPRI) ສະວີເດັນ ລາຍງານວ່າ ການຊື້ຂາຍອາວຸດທົ່ວໂລກໃນຮອບ 5 ປີທີ່ຜ່ານມາ ສະຫະລັດອາເມລິກາຍັງຄົງເປັນຜູ້ສົ່ງອອກອາວຸດລາຍໃຫຍ່ທີ່ສຸດຂອງໂລກ ມີປະລິມານການສົ່ງອອກ 1 ໃນ 3 ຂອງຜູ້ສົ່ງອອກອາວຸດທົ່ວໂລກ

ໂດຍປະລິມານການໂອນຖ່າຍອາວຸດລະຫວ່າງປະເທດໄດ້ເຕີບໃຫຍ່ຂຶ້ນເລື່ອຍໆ ນັບຕັ້ງແຕ່ປີ 2004 ໂດຍລະຫວ່າງໄລຍະປີ 2007-2011 ແລະ 2012-2016 ກໍ່ມີປະລິມານເພິ່ມຂຶ້ນ 8.4%, Aude Fleurant ຫົວໜ້າໂຄງການຄ່າໃຊ້ຈາຍດ້ານອາວຸດ ແລະ ການທະຫານຂອງ SIPRI ເຜີຍວ່າ “ສະຫະລັດອາເມລິກາເຮັດໜ້າທີ່ຈັດຫາອາສຸດໃຫ້ 100 ປະເທດທົ່ວໂລກເປັນຢ່າງຕ່ຳ ເຊິ່ງສະແດງໃຫ້ເຫັນວ່າເປັນຈຳນວນຫຼາຍກວ່າຜູ້ສົ່ງອອກອາວຸດລາຍອື່ນໆທົ່ວໂລກ ອີກທັງອາວຸດສ່ວນຫຼາຍນັ້ນມີລາຄາແພງ ແລະ ມີຄວາມສຳຄັນແບບຍຸດທະຍາດທັງໝົດ”