ໜັງສືພິມ ເສດຖະກິດ-ການຄ້າ ລາຍງານເມື່ອວັນທີ 20 ກຸມພາ 2017 ວ່າ. ລັດຖະມົນຕີກະຊວງ ໂຍທາທິການ ແລະ ຂົນສົ່ງ (ຍທຂ) ໄດ້ສຳເລັດການແກ້ໄຂການພິມໃບຂັບຂີ່ ແລະ ທະບຽນພາຫະນະທີ່ຄ້າງຄາມາຫຼາຍປີທົ່ວປະເທດຊຸມປີ 2016 ມີທັງໝົດ 1,790,624 ຄັນ ເຊິ່ງປະກອບປະເພດ ລົດຈັກ, ລົດສາມລໍ້ ຈົດຮອດລົດເມ

ທ່ານ ບຸນຈັນ ສິນທະວົງ ລັດຖະມົນຕີກະຊວງ ໂຍທາທິການ ແລະ ຂົນສົ່ງ (ຍທຂ) ເປີດເຜີຍວ່າ ຈຳນວນພາຫະນະຂຶ້ນທະບຽນທົ່ວປະເທດມາຮອດທ້າຍປີ 2016 ມີທັງໝົດ 1,790,624 ຄັນ, ສະເພາະປີ 2016 ມີລົດເພີ່ມຂຶ້ນປະມານ 73,130 ຄັນ.

ທາງ ຍທຂ ໄດ້ສົມທົບກັບອົງການປົກຄອງທ້ອງຖິ່ນໃນການແກ້ໄຂການພິມໃບຂັບຂີ່ ແລະ ທະບຽນພາຫະນະທີ່ຄ້າງມາຫຼາຍປີສຳເລັດໃນຂອບເຂດທົ່ວປະເທດ ແລະ ນຳໃຊ້ລະບົບຄຸ້ມຄອງ ແລະ ພິມໃບທະບຽນ, ໃບຂັບຂີ່ແບບທັນສະໃມໂດຍການນຳໃຊ້ລະບົບຄຸ້ມຄອງພາຫະນະ ແລະ ການຂັບຂີ່ນະຄອນຫຼວງ ເປັນຕົວແບບ ແລະ ຂະຫຍາຍໄປສູ່ແຂວງອື່ນໆທົ່ວປະເທດ.