ພິທີສະເຫລີມສະຫລອງວັນສື່ມວນຊົນແຫ່ງຊາດ ແລະ ວັນການພິມຈຳຫນ່າຍ 13 ສິງຫາ ໄດ້ຈັດຂຶ້ນໃນເຊົ້າວັນທີ
12 ສິງຫານີ້, ຢູ່ກະຊວງຖະແຫລງຂ່າວວັດທະ ນະທຳ ແລະ ທ່ອງທ່ຽວ ໂດຍການເຂົ້າຮ່ວມຂອງທ່ານ ສຈ. ດຣ ບໍ່ແສງ
ຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວ, ວັນທະນະທຳ ແລະ ທ່ອງທ່ຽວ, ພ້ອມການນຳອາວຸໂສບຳ
ນານ ແລະ ພະນັກງານຫລັກແຫລ່ງຈາກກົມກອງຕ່າງໆ ອ້ອມຂ້າງກະຊວງເຂົ້າຮ່ວມເປັນຈຳນວນຫລາຍ.
ໃນພິທີພາຍຫລັງໄດ້ຮັບຟັງລາຍງານການເຄື່ອນໄຫວຂອງວຽກງານສື່ມວນຊົນໃນໄລຍະ ຜ່ານມາຈາກທ່ານ ສະ
ຫວັນຄອນ ຣາຊະມຸນຕຣີ ລັດຖະມົນຕີຊ່ວຍວ່າການກະຊວງດັ່ງກ່າວ, ທີ່ໄດ້ຍົກໃຫ້ເຫັນບັນດາຈຸດດີທີ່ຈະຕ້ອງໄດ້
ເສີມຂະຫຍາຍ ແລະ ບັນດາຈຸດອ່ອນຄົງຄ້າງ ທີ່ຈະຕ້ອງໄດ້ເພີ່ມທະວີປັບປຸງແກ້ໄຂຄື ສື່ມວນຊົນໄດ້ກາຍເປັນກະ
ບອກສຽງອັນແຫລມຄົມຂອງພັກ, ລັດຖະບານ ແລະ ປະຊາຊົນ ທີ່ໄດ້ຕັ້ງຫນ້າເຮັດວຽກງານນຳ ເອົາຂໍ້ມູນຂ່າວ
ສານໄປສູ່ທົ່ວເປົ້າຫມາຍທັງພາຍໃນ ແລະ ຕ່າງປະເທດໄດ້ເປັນຢ່າງດີ, ສາມາດຮັບໃຊ້ພະລະກິດປົກປັກຮັກສາ
ແລະ ພັດທະນາປະເທດຊາດດ້ວຍຄວາມຈົ່ງຮັກພັກດີ,ປະກອບສ່ວນສຳຄັນເຂົ້າໃນການປັບປຸງຊີວິດການເປັນຢູ່
ຂອງປະຊາຊົນບັນດາເຜົ່າມີຄຸນນະພາບດີຂຶ້ນຕາມທິດທາງຂອງພັກໃນ ການນຳເອົາປະເທດຊາດອອກຈາກສະ
ພາບດ້ອຍພັດທະນາ ແລະ ນຳເອົາປະຊາຊົນຫລຸດພົ້ນອອກຈາແຄວາມທຸກຍາກ. ເວົ້າລວມ ແລ້ວສື່ມວນຊົນ
ລາວໄດ້ຮັບການປັບປຸງຄວາມໄວ, ຮູບແບບ ແລະ ເນື້ອໃນຂອງຕົນທີ່ສາມາດຮັບປະກັນໄດ້ສີ່ລັກສະນະ, ສາມາດ
ສ່ອງແສງເຫດການຕ່າງໆໄດ້ຢ່າງທັນການ, ຈະແຈ້ງ, ເລິກ ເຊິ່ງກວ້າງຂວາງ, ກວມເອົາທຸກບັນຫາ ແລະ ສາມາດ
ຕອບສະຫນອງຄວາມຕ້ອງການຂອງປະຊາຊົນບັນດາເຜົ່າໄດ້ເປັນຢ່າງດີ.
ສ່ວນວຽກງານການພິມຈຳຫນ່າຍ ກໍແມ່ນການເຄື່ອນໄຫວຫນຶ່ງ ດ້ານວຽກງານແນວຄິດອັນແຫລມຄົມຂອງ
ພັກ ແລະ ແມ່ນການນຳເອົາສະຕິປັນຍາ ກໍຄືຜົນງານຄົ້ນຄວ້າປະດິດແຕ່ງ, ການແປ, ຮູບພາບຕ່າງໆຂອງເຫລົ່າ
ນັກຄົ້ນຄວ້ານັກປະພັນມາເຜີຍແຜ່ໄດ້ຢ່າງກວ້າງຂວາງ ແລະ ກໍເຫັນໄດ້ວ່າ ຂະແຫນງການດັ່ງກ່າວ ກໍສາມາດ
ເຮັດສຳເລັດວຽກງານຂອງຕົນໂດຍດີຕະຫລອດມາ. ແຕ່ຄຽງຄູ່ກັນນັ້ນ, ທັງສອງວຽກທີ່ກ່າວມານັ້ນ ກໍຍັງມີບາງ
ບັນຫາທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂຄື: ເນື້ອໃນຂອງຜະລິດຕະພັນສື່ມວນຊົນ ແລະ ສິ່ງພິມເຖິງວ່າໄດ້
ສ່ອງແສງທຸກຈິດໃຈຂອງແນວທາງນະໂຍບາຍຂອງພັກ, ລະບຽບກົດຫມາຍ ແລະ ແຜນພັດທະນາເສດຖະກິດ
-ສັງຄົມຂອງລັດແຕ່ຍັງເຫັນ ວ່າບໍ່ທັນເລິກເຊິ່ງເທົ່າທີ່ຄວນ, ຍັງບໍ່ທັນຕອບຄຳຖາມ ຫລື ຄວາມສົນໃຈຂອງສັງ
ຄົມໄດ້ຢ່າງທັນການ ແລະ ຄົບຖ້ວນ, ເນື້ອໃນຂອງສື່ສິ່ງພິມ, ສື່ເອເລັກໂຕຣນິກ ແລະ ສິ່ງພິມທີ່ໃຫ້ຂໍ້ມູນຂ່າວສານ,
ການສຶກສາອົບຮົມ ແລະ ນຳປະໂຫຍດຕົວຈິງແກ່ຜູ້ອ່ານ, ຜູ້ເບິ່ງ, ຜູ້ຟັງຍັງບໍ່ທັນອຸດົມສົມບູນທຽບໃສ່ເນື້ອໃນ
ດ້ານການບັນເທີງ, ຮູບການຍັງມີບາງອັນບໍ່ທັນເຫມາະສົມກັບແຕ່ລະເປົ້າຫມາຍຜູ້ອ່ານ, ຜູ້ຟັງ ແລະ ຜູ້ເບິ່ງໂດຍ
ສະເພາະຊາວ ຫນຸ່ມ ແລະ ປະຊາຊົນບັນດາເຜົ່າທີ່ຢູ່ເຂດທຸກຍາກດ້ອຍໂອກາດ, ການກໍ່ສ້າງພະນັກງານ ສະຫນອງ
ໃຫ້ວຽກງານດັ່ງກ່າວຍັງມີ ຈຳນວນຈຳກັດ, ສ່ວນດ້ານເຕັກນິກ ແລະ ຄຸ້ມຄອງບໍລິຫານຍັງຂາດ, ບຸກຄະລາກອນ
ດ້ານສື່ມວນຊົນ ແລະ ພິມຈຳຫນ່າຍຢູ່ທ້ອງຖິ່ນຂັ້ນເມືອງຍັງບໍ່ພຽງພໍກັບຄວາມຕ້ອງການຂອງວຽກງານ ແລະ
ອື່ນໆ.
ໃນໂອກາດອັນສະຫງ່າລາສີນີ້, ທ່ານສຈ ດຣ ບໍ່ແສງຄຳ ວົງດາລາ ລັດຖະມົນຕີວ່າການກະຊວງດັ່ງກ່າວກໍໄດ້ໃຫ້
ກຽດໂອ້ລົມ,ໂດຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຕ່າງໆ ທີ່ສື່ມວນຊົນລາວ ແລະ ການພິມຈຳ
ຫນ່າຍຍາດມາໄດ້ ໃນໄລຍະຜ່ານມາ, ອັນໄດ້ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງ
ຊາດ ແລະ ກະໂຕວຽກງານສື່ມວນຊົນ ແລະ ພິມຈຳຫນ່າຍ ກໍໄດ້ມີການພັດທະນາຕົນເອງຂະຫຍາຍຕົວຂຶ້ນເປັນ
ກ້າວໆສາມາດຕອບສະຫນອງຄວາມຕ້ອງການຂອງສັງຄົມໄດ້ດີສົມຄວນ ແລະ ໄດ້ມີບົດບາດສຳຄັນໃນວຽກງານ
ປ້ອງກັນຊາດ, ປ້ອງກັນຄວາມສະຫງົບ ແລະ ວຽກງານພັດທະນາເສດຖະກິດ- ສັງຄົມຂອງຊາດ, ແຕ່ຄຽງຄູ່ກັນ
ນັ້ນ ທ່ານລັດຖະມົນຕີວ່າການກໍໄດ້ເນັ້ນໃຫ້ສື່ເອົາໃຈ ໃສ່ຕື່ມໃນການເຮັດຫລ້ອນຫນ້າທີ່ຂອງຕົນ ໃນການຕອບ
ສະຫນອງຄວາມຕ້ອງການຂອງສັງຄົມໄດ້ຕາມເປົ້າຫມາຍ ແລະ ໃຫ້ເອົາໃຈໃສ່ສ່ອງແສງໃຫ້ຫລາຍຂຶ້ນບັນດາຕົວ
ແບບ ແລະ ວຽກດີຄົນເດັ່ນຕ່າງໆໃນທຸກຂົງເຂດວຽກງານໃຫ້ກວ້າງຂວາງ ແລະ ທົ່ວເຖິງ, ຕັ້ງຫນ້າປະສານສົມທົບ
ລະຫວ່າງເບື້ອງລັດ ແລະ ພາກເອກະຊົນໃຫ້ດີກວ່າເກົ່າເພື່ອຊ່ວຍ ເຫລືອເຊິ່ງກັນ ແລະ ກັນ, ພ້ອມກັນກ້າວຂຶ້ນຮັບ
ໃຊ້ຫນ້າທີ່ການເມືອງຂອງພັກ ແລະ ລັດຖະບານມອບຫມາຍໃຫ້ມີຜົນສຳເລັດອັນຈົບງາມ.
ບົດຂ່າວຈາກ: http://laophatthananews.blogspot.com/2014/08/13.html