ໝາກໄມ້ທີ່ເຮົາກິນ ແລະ ເຫັນເປັນປະຈຳໝາກໄມ້ບາງຢ່າງເຮົາກໍ່ຮູ້ວ່າເປັນໝາກໄມ້ມົງຄຸນທີ່ສາມາດນຳມາຖວາຍບູຊາ ຫຼື ນຳມາປະກອບໃຊ້ເຂົ້າໃນພິທີການມົງຄຸນຕ່າງໆໄດ້ ແຕ່ຄົນສ່ວນໜ້ອຍຈະຮູ້ຄວາມໝາຍອັນເປັນຄຸນຂອງໝາກໄມ້ເຫຼົ່ານັ້ນ ມື້ນີ້ ແອັດເລີຍ ມີຄວາມໝາຍຂອງໝາກໄມ້ມົງຄຸນ 9 ຢ່າງ ມາຂຽນໃຫ້ທຸກຄົນໄດ້ອ່ານ ໄດ້ຮູ້ໄປນຳກັນ.
- ໝາກແອັບເປິ້ນ ມີຄວາມໝາຍວ່າ: ເຮັດໃຫ້ສຸຂະພາບແຂງແຮງ ປສະຈາກໂຣກໄພໄຂ້ເຈັບ
- ໝາກພິລາ ເຮັດໃຫ້ຄອບຄົວອົບອຸ່ນ ປາສະຈາກຄວາມຂັດແຍ້ງ, ຄວາມວຸ້ນວາຍ
- ໝາກລະແຊັງ ເຮັດໃຫ້ການງານຈະເລີນກ້າວໜ້າ
- ໝາກນັດ ເຊື່ອກັນວ່າເຮັດໃຫ້ເກີດຄວາມຮອບຮູ້ເບິ່ງການໄກ ບາງຄົນກໍ່ເຊື່ອວ່າ ເຮັດໃຫ້ມີຫຼາຍຊ່ອງທາງໃນການທຳມາຫາກິນ
- ໝາກກ້ວຍເຮັດໃຫ້ມີບໍລິວານ ຫຼື ມີລູກສືບຕະກູນ
- ໝາສາລີ້ ແມ່ນຈະນຳໂຊກລາບ ແລະ ເລື່ອງດີໆເຂົ້າມາໃຫ້
- ໝາກລິນຈີ່ ຈະຊ່ວຍເສີມສິຣິມົງຄຸນໃຫ້ແກ່ຊີວິດ
- ໝາກກ້ຽງ ເຮັດໃຫ້ໂຊກດີ ຮັງມີ
- ໝາກພັບ ແມ່ນຊ່ວຍສົ່ງເສີມຄວາມໝັ້ນຄົງຂອງຖານະ
ໝາກໄມ້ 9 ຢ່າງທີ່ກ່າວມາຂ້າງເທິງນີ້ລ້ວນແຕ່ແມ່ນໝາກໄມ້ທີ່ເປັນມົງຄຸນ ແລະ ຜູ້ຄົນນິຍົມນຳໄປຖວາຍແກ່ເທບພະຍາດາ ເມື່ອກ່ອນຫາກໃຜບໍ່ເຄີຍຮູ້ຄວາມໝາຍແຕ່ດຽວນີ້ຄິດວ່າຄົງຈະຮູ້ແຈ້ງແລ້ວ.