ໃນທີ່ສຸດກໍ່ໄດ້ຄູ່ບິ໊ກແມັດ 2 ທີມທີ່ໂຄຈອນມາພົບກັນລະຫວ່າງ “ສິງ” ເຊລຊີ ເປີດບ້ານຮັບເອົາ ທີມແຊັມເກົ່າ “ຜີ” ປີສາດແດງ ແມນເຊສເຕີ ຢູໄນເຕັດ ໃນເສິກເອັຟເອ ຄລັບ ຮອບ 6 ຫຼື 8 ທີມສຸດທ້າຍ
ແຊັມເກົ່າຢ່າງ ປີສາດແດງ ງານນີ້ຕ້ອງໄດ້ພົບກັບເສິກໜັກ ເພາະຜົນຂອງການຈັບສະຫຼາກ ໃນຮອບ 6 ຫຼື 8 ທີມສຸດທ້າຍ ໃນຄືນຂອງວັນອາທິດທີ່ຜ່ານມາ ລູກທີມຂອງ ໂຊເຊ່ ມູຣິນໂຫຍ່ ຕ້ອງຍົກທັບໄປບຸກ “ສິງສຳອາງ” ເຊລຊີ ທີມຈາຝູງໃນເສິກພຣີເມຍລີກອັງກິດ. ເຊິ່ງການແຂ່ງຂັນນັດດັ່ງຂ່າວ ຖືກກຳນົດໃນລະຫວ່າງວັນທີ 11-12 ມີນາ 2017 ນີ້.
ສຳລັບແຟນບານຂອງທັງສອງທີມກໍ່ຕ້ອງມາລຸ້ນນຳກັນວ່າ ທີມໃດຈະເປັນຝ່າຍຊະນະ ແລະ ຜ່ານເຂົ້າຮອບ 4 ທີມສຸດທ້າຍໄດ້.