ສຳນັກຂ່າວເອເອຟຟີລາຍງານເມື່ອວັນທີ 18 ກຸມພາ 2017 ຜ່ານມາວ່າ ທາງການນະຄອນລອສແອງເຈລິສ ລັດຄາລິຟໍເນຍ ສະຫະລັດອາເມລິກາ ໄດ້ອອກມາຖະແຫຼງຂ່າວ ກ່ຽວກັບເຫດພາຍຸກຳລັງແຮງທີ່ສຸດໃນຮອບຫຼາຍປີ ພັດຖະຫຼົ່ມພື້ນ ໃນວັນທີ 17 ກຸມພາ ທີ່ບໍລິເວນພາກໃຕ້ຂອງລັດຄາລິຟໍເນຍ
ກະແສລົມແຮງ ແລະຝົນຕົກໜັກຢ່າງຕໍ່ເນື່ອງສົ່ງຜົນໃຫ້ເສົາໄຟຟ້າຫັກ, ໄຟຟ້າດັບເປັນບໍລິເວນກວ້າງ, ປະຊາຊົນເມືອງລອສແອງເຈລິສ 60.000 ກວ່າຄົນບໍ່ມີໄຟຟ້າໃຊ້ ແລະຈຳເປັນຕ້ອງເລື່ອນຖ້ຽວບິນຫຼາຍຮ້ອຍຖ້ຽວ
ນອກຈາກນີ້ ພາຍຸຮຸນແຮງຄັ້ງນີ້ ສົ່ງຜົນໃຫ້ເກີດນໍ້າຖ້ວມ ຄວບຄຸມບໍລິເວນກວ້າງ ເຮັດໃຫ້ຫຼາຍຮ້ອຍຄອບຄົວ ຕ້ອງໄດ້ອົບພະຍົບອອກຈາກພື້ນທີ່ອາໄສ ແລະຕ້ອງໃຊ້ເຮືອຢາງໃຫ້ຄວາມຊ່ວຍເຫຼືອປະຊາຊົນ ທີ່ອາໄສຢູ່ແຄມແມ່ນໍ້າ ລອສແອງເຈລິສ ທາງເຈົ້າໜ້າທີ່ລາຍງານວ່າມີຜູ້ເສຍຊີວິດຈາກໄພທຳມະຊາດຄັ້ງນີ້ແລ້ວ 4 ຄົນ