ສຳນັກຂ່າວເດິເປເປີ ຂອງຈີນລາຍງານເມື່ອວັນທີ 11 ກຸມພາ 2017 ຜ່ານມາວ່າ ເກີດເຫດເດັກນ້ອຍຊາຍອາຍຸ 4 ເດືອນຄົນໜຶ່ງ ໃນເມືອເຫິງຢາງ ມົນທົນຫູໜາາ ຖືກໝາກັດ ຈົນໄດ້ຮັບບາດເຈັບສາຫັດ ຂະນະທີ່ນອນຢູ່ໃນເຮືອນ ຍ້ອນຄອບຄົວມີຖານະຍາກຈົນ ທຸກຄົນພາໃນເຮືອນພາກັນອອກໄປເຮັດວຽກໝົດ ຈຶ່ງໃຫ້ອ້າຍອາຍຸ 4 ປີ ເປັນຜູ້ເບິ່ງຊົ່ວຄາວ
ແຕ່ຍ້ອນກິ່ນ ແລະນົມທີ່ມີລົດຊາດຫອມ ຕິດຢູ່ໃນມື ແລະແຂນຂະນະກິນນົມ ເຮັດໃຫ້ໝາທີ່ກຳລັງຫິວ ທີ່ລ້ຽງໄວ້ໃນເຮືອນນັ້ນແລ່ນເຂົ້າມາກັດຈົນໄດ້ຮັບບາດເຈັບ ເຊິ່ງໄດ້ສ້າງຄວາມເຈັບປວດໃຈໃຫ້ກັບຄອບຄົວ
ແພດເຜີຍອີກວ່າ ເດັກນ້ອຍໄດ້ຮັບບາດເຈັບສາຫັດ ນິ້ວກ້ອຍມືຊ້າຍ ນິ້ວນາງທັງສອງເບື້ອງ ຖືກກັດຈົນຂາດ, ຫູເບື້ອງຂວາຈີກຂາດ, ຫົວນົມຊ້າຍ ຕົ້ນຂາເບື້ອງຂວາ ຖືກກັດຈົນຊໍ້າ
ຕາມການລາຍງານບອກວ່າ ຄອບຄົວຂອງເດັກລ້ວນແຕ່ເປັນຄອບຄົວຄົນປ່ວຍ ພໍ່ແມ່ປ່ວຍພິການທັງສອງ, ຍ່າປ່ວຍໂຣກປະສາດ, ປູ່ພິການຂາ, ສ່ວນອ້າຍອາຍ 4 ປີກໍເປັນໂຣກໄສ້ເລື່ອນ ແຕ່ຖານະຍາກຈົນຈຶ່ງບໍ່ມີເງິນພາໄປປິ່ນປົວ ທາງດ້ານສະພາບເຮືອນທີ່ອາໄສເປັນເຮືອນເກົ່າໂຊມຫຼາຍແລ້ວ