ຮູ້ສຶກດີຕໍ່ໃຈທຸກຄັ້ງທີ່ໄດ້ເບິ່ງໜ້າສາວຄົນນີ້ “ນູ່ນີ່ ກຸມພົນພັກດີ” ສາວໄວອາຍຸ 23 ເຊິ່ງເປັນອີກໜຶ່ງສາວທີ່ໄປຕາມຫາປະສົບການຄວາມຮັກໃນລາຍການຫາຄູ່ຊື່ດັງຂອງປະເທດໄທ “Take me out Thailand” ໃນຊີຊັ່ນ 11 ເຊິ່ງມື້ວັນເສົາ ທີ 18 ກຸມພາ 2017 ນີ້ ເຮົາກໍ່ຈະໄດ້ເຫັນນາງອອກມາປະກົດກາຍໃນໂພດ້ຽມຂອງລາຍການແລ້ວ ກຽມລຸ້ນໄປກັບພາລະກິດຕາມຫາຄູ່ໄປພ້ອມໆກັບນາງໄດ້.

ນູ່ນີ່ ເປັນສາວທີ່ຄຸ້ນໜ້າຄຸ້ນຕາກັນດີໃນວົງການບັນເທີງບ້ານເຮົາ ເພາະເຫັນຕາມສື່ເລື່ອຍໆ ນາງຮັບງານຖ່າຍແບບ, ຖ່າຍໂຄສະນາ, ງານອີເວັ້ນ ​ແລະ ລະຄອນ ເປັນຕົ້ນ. ສຳລັບ​ປັດຈຸບັນ ນູ່ນີ່​ ​ແມ່ນຫາກໍ່ຮຽນຈົບຊັ້ນປະລິນຍາຕີ ຈາກສະຖາບັນຍຸຕິທຳແຫ່ງຊາດ.

ສາວຄົນນີ້ຖືວ່າມີໂປຣຟາຍທີ່ບໍ່ທຳມະດາ ທັງງາມ, ທັງເກັ່ງ ເປັນສາວລາວຄົນໜຶ່ງທີ່ມີຄວາມພຽບພ້ອມທຸກດ້ານ ເອົາເປັນວ່າຕອນນີ້ແອັດຂໍພັກເລື່ອງການຍ້ອງຍໍສາວງາມຄົນນີ້ໄວ້ກ່ອນ ແຕ່ຈະພາທຸກຄົນມາເບິ່ງຮູບພາບງາມໆຂອງນາງ ບອກເລີຍວ່າ ແຮງເບິ່ງກໍ່ແຮງງາມ! ງາມປານກັບນາງພະຍາເລີຍກໍ່ວ່າໄດ້

ຮູບພາບປະກອບຈາກ: Noony Koumphonphakdee