ແຫລ່ງຂ່າວຕ່າງປະເທດລາຍງານ ໃນວັນທີ 12 ສິງຫາ 2014 ວ່າ ສວນນ້ຳໃນປະເທດຈີນ ເຜີຍແຜ່ພາບລູກແພນດ້າຍັກ
ແຝດ 3 ຄອກທຳອິດຂອງໂລກທີ່ມີຊີວິດຢູ່ລອດ, ແຕ່ເຈົ້າໜ້າທີ່ລະບຸວ່າ ຕ້ອງລໍຖ້າພວກມັນໃຫ້ມີອາຍຸ 6 ເດືອນ ຈຶ່ງຈະ
ໝັ້ນໃຈວ່າ ພວກມັນມີຊີວິດຢູ່ລອດຢ່າງແທ້ຈິງ.
ແຫຼ່ງຂ່າວໄດ້ລະບຸວ່າ ສວນນ້ຳ ສີເມີ່ຫລົງ ຊາຟາຣີ ປາຣ໌ກ ໃນແຂວງກວາງໂຈວ ທາງຕອນໃຕ້ຂອງປະເທດຈີນ ໄດ້ເຜີຍ
ແຜ່ພາບລູກແພນດ້າຍັກແຝດ 3 ຄອກທຳອິດຂອງໂລກ ທີ່ມີຊີວິດຢູ່ລອດຫຼັງການເກີດ ແຕ່ພວກມັນຍັງບໍ່ໄດ້ຮັບການ
ຕັ້ງຊື່ ແລະ ຍັງບໍ່ທັນມີການເປີດເຜີຍເພດຂອງພວກມັນແຕ່ຢ່າງໃດ.
ຖະແຫລງການຂອງ ສີເມີ່ຫລົງ ຊາຟາຣີ ປາຣ໌ກ ລະບຸວ່າ ແພນດ້າທັງ 3 ໂຕ ຖືເປັນສິ່ງມະຫັດສະຈັນອັນໃໝ່ຂອງໂລກ
ພວກມັນເກີດໃນວັນທີ 29 ກໍລະກົດ 2014 ທີ່ຜ່ານມາ ໂດຍໃນຕອນທຳອິດ ຈູຊຽວ ແມ່ຂອງແພນດ້າແຝດ 3 ຄອກນີ້
ຍັງບໍ່ສາມາດເບິ່ງແຍງພວກມັນໄດ້ ເພາະຄວາມເໝື່ອຍລ້າຈາກການເກີດລູກ, ແຕ່ໃນຂະນະນີ້ ເຈົ້າໜ້າທີ່ໄດ້ສົ່ງໂຕລູກ
ນ້ອຍທັງ 3 ກັບໄປໃຫ້ມັນເບິ່ງແຍງດ້ວຍຕົນເອງແລ້ວ ພາຍໃຕ້ການສອດສ່ອງຢ່າງໃກ້ຊິດຈາກເຈົ້າໜ້າທີ່ ຕະຫຼອດ
24 ຊົ່ວໂມງ.
ຢ່າງໃດກໍຕາມ ເຈົ້າໜ້າທີ່ເຂດສະຫງວນພັນສັດປ່າແຫ່ງຊາດ ຫວູ່ຫລົງ ໃນແຂວງເສສວນ ເຊິ່ງມີຄວາມຊ່ຽວຊານເລື່ອງ
ແພນດ້າຍັກລະບຸວ່າ ແພນດ້າແຝດ 3 ໂຕນີ້ ຍັງເປັນເດັກເກີນໄປທີ່ຈະສາມາດເວົ້າໄດ້ວ່າມັນລອດຊີວິດ ຕ້ອງລໍຖ້າຢ່າງ
ໜ້ອຍ 6 ເດືອນເສຍກ່ອນ.