ເມື່ອເວລາ 9.28 ໂມງຂອງເຊົ້າມື້ນີ້ຕາມເວລາທ້ອງຖິ່ນ (15 ກຸມພາ 2017) ອິນເດຍໄດ້ປະສົບຄວາມສຳເລັດໃນການສົ່ງດາວທຽມ 104 ດວງພາຍໃນຄັ້ງດຽວດ້ວຍຈະຫຼວດລຳດຽວຂຶ້ນສູ່ວົງໂຄຈອນອາວະກາດ ເຊິ່ງເປັນການທຳລາຍສະຖິຕິການສົ່ງດາວທຽມໄດ້ຫຼາຍທີ່ສຸດໃນໂລກ ຈາກເມື່ອກ່ອນທີ່ຣັດເຊຍ ເຄີຍເຮັດສະຖິຕິໄວ້ 37 ດວງໃນປີ 2014.
ຍານຈະຫຼວດພີເອັສແອລວີ-37 ໄດ້ຖືກປ່ອຍຂຶ້ນທີ່ສູນອາວະກາດໃນລັດ ອານທະຣະປະເທດ ເມື່ອເວລາ 9.28 ໂມງ, ມື້ນີ້ຕາມເວລາທ້ອງຖິ່ນ ດ້ວຍຄວາມໄວ 27,000 ກມ/ຊມ ແລະ ສົ່ງດາວທຽມທັງໝົດ 104 ດວງເຂົ້າສູ່ວົງໂຄຈອນພາຍໃນເວລາເກືອບ 30 ນາທີ ເຊິ່ງຄວາມສຳເລັດໃນຄັ້ງນີ້ໄດ້ສ້າງຄວາມຍິນດີແກ່ນັກວິທະຍາສາດຂອງອົງການວິໄຈອາວະກາດອິນເດຍ ຫຼື ອິສໂຣ ແລະ ນາຍົກລັດຖະມົນຕີ ນະເຣນທຣາ ໂມດີ
ດາວທຽມທັງໝົດທີ່ສົ່ງຂຶ້ນໄປຂອງອິນເດຍມີພຽງ 3 ດວງ ສ່ວນທີ່ເລືອເປັນຂອງຕ່າງຊາດ ໂດຍດາວທຽມຂອງສະຫະລັດມີຫຼາຍທີ່ສຸດ 96 ດວງ ແລະ ຍັງມີດາວທຽມຂອງ ອິາຣາເອລ, ຄາຊັດສະຖານ, ເນເທີແລນ, ສະວິດເຊີແລນ ແລະ ສະຫະຫຼັບເອມິເຣສ