ໃນຄໍລຳ ຄວາມຮັກ ກັບ ເຊັກສ໌ ມື້ນີ້ແອັດກັບມາກັບຄໍລຳນີ້ຫຼັງຈາກທີ່ບໍ່ໄດ້ຂຽນບົດເລື່ອງທີ່ກ່ຽວກັບ ເພດສຳພັນມາດົນແລ້ວ ກັບມາມື້ນີ້ກໍ່ມາແບບເບົາໆ ເອົາໃຈສາວໆ ໂດຍການແນະນຳວິທີສັງເກດຜູ້ຊາຍສາຍຟັນ ເຊິ່ງຜູ້ຊາຍສາຍນີ້ຕ້ອງບອກເລີຍວ່າເປັນຜູ້ຊາຍທີ່ມີສະເໜ່ແພວພາວ ເຮັດໃຫ້ສາວໆທີ່ໄດ້ໃກ້ຊິດຕ້ອງພາດທ່າເສຍທີໃຫ້ຄົນຈຳພວກນີ້ເກືອບທຸກລາຍ ເຊິ່ງຜູ້ຊາຍແບບນີ້ພວກເຂົາຈະມີລັກສະນະແບບໃດນັ້ນເຮົາມາຮູ້ຈັກກັນເລີຍ
- ເປັນຄົນຫຼໍ່, ຮູບຮ່າງໜ້າຕາດີ ເພາະສາວໆສ່ວນຫຼາຍຈະຫວັ່ນໄຫວເມື່ອຢູ່ໃກ້ຄົນຫຼໍ່
- ເປັນຄົນລົມດີ, ລົມມ່ວນ ແລະ ເອົາໃຈຜູ້ຍິງເກັ່ງ
- ເປັນຄົນຫວງຂໍ້ມູນສ່ວນຕົວສຸດໆ ແມ່ນແຕ່ເຮົາທີ່ເຂົາບອກວ່າຮັກ ແລະ ສຳຄັນທີ່ສຸດເຂົາກໍ່ຍັງມີຄວາມລັບໄດ້
- ເຖິງຈະບອກວ່າຮັກເຮົາແຕ່ກໍ່ຈະບໍ່ພາເຮົາໄປອອກງານສັງຄົມຄູ່ເດັດຂາດ
- ວ່າງກັບເຮົາບາງເວລາເທົ່ານັ້ນ
- ມັກໃຊ້ຄຳວ່າຮັກມາຕໍ່ລອງມີຄວາມສຳພັນທີ່ເລິກຊຶ້ງນຳ ຫຼື ແລກກັບສິ່ງທີ່ຕົວເຂົາຕ້ອງການ
- ເມື່ອໄດ້ໃນສິ່ງຕ້ອງການແລ້ວກໍ່ຈະປ່ຽນຈາກໜ້າມືເປັນຫຼັງມື ຕອນທຳອິດເອົາໃຈໃສ່ດີ ພໍຫຼັງໆມາເຮັດຫ່າງເຫີນບໍ່ສົນໃຈ.
ຫາກສາວຄົນໃດກຳລັງຄົບແຟນແລ້ວມີພຶດຕິກຳທີ່ກ່າວມາຂ້າງເທິງນີ້ ກໍ່ຄວນກຽມໃຈເພື່ອໄວ້ ຮັກກໍ່ຢ່າທຸ້ມເທໃຈໃຫ້ຫຼາຍເກີນໄປບໍ່ດັ່ງນັ້ນອາດເຈັບປວດທັງໃຈກາຍໄດ້.