ອີກບໍ່ດົນຜູ່ຄົນທັງໂລກຈະໄດ້ເຫັນເສິກດວນກຳປັ້ນ “ໄຟລມັນຢຸດໂລກ” ລະຫວ່າງ “ຟລອຍ ເມເວດເທີ” ກັບ “ຄໍເນີ ແມັດເກຣເກີ” ເຊິ່ງເປັນໄຟລທີ່ທຸກຄົນລໍຄອຍມາດົນ ຫຼັງຈາກກ່ອນໜ້ານີ້ຫຼາຍເດືອນທີ່ຜ່ານມາເຄີຍມີຂ່າວວ່າທັງສອງຈະຂຶ້ນຊົກກັນ ແຕ່ກໍ່ບໍ່ສາມາດບັນລຸຂໍ້ຕົກລົງໄດ້.
ຫຼ້າສຸດ ເມື່ອວັນທີ 14 ກຸມພາ 2017 ທີ່ຜ່ານມາ ສຳນັກຂ່າວ ເດິຊັນ ລາຍງານວ່າ: “ຟລອຍ ເມເວດເມເທີ ຈູເນຍ” ອະດີດນັກມວຍແຊັມໂລກທີ່ບໍ່ເຄີຍເສຍ ບັນລຸຂໍ້ຕົກລົງຂຶ້ນດວນກຳປັ້ນກັບ “ຄໍເນີ ແມັດເກຣເກີ” ຍອດນັກສີລະປະການຕໍ່ສູ້ແບບປະສົມ ຫຼື ເອັມເອັມເອ ແຕ່ຕອນນີ້ຍັງບໍ່ມີການເຊັນສັນຍາຢ່າງເປັນທາງການອອກມາ ເນື່ອງຈາກຍັງຕ້ອງລໍຝ່າຍທີ 3 ເຈລະຈາອີກຄັ້ງໜຶ່ງກ່ອນ. ທັງນີ້ມີການປະເມີນຄ່າຂຶ້ນຊົກໄຟລນີ້ມີມູນຄ່າສູງເຖິງຫຼາຍລ້ານໂດລາສະຫະລັດ.
ສ່ວນເລື່ອງວັນເວລາ ແລະ ສະຖານທີຈັດການຊົກຂອງໄຟລນີ້ ຍັງບໍ່ມີການເປີດເຜີຍຢ່າງເປັນທາງການ ຫາກມີຂ່າວຄວາມຄືບໜ້າແນວໃດ ທາງພວກເຮົາຈະນຳມາແຈ້ງໃຫ້ຮູ້ອີກຄັ້ງ.
ແຫລ່ງຂ່າວ: ເວັບໄຊ ຂ່າວສົດ