ເຊີໄພລໄປທັງງານ ເມື່ອນັກຮ້ອງສຽງຊົງພະລັງຢ່າງ ອະເດລ ທີ່ຫັກລາງວັນ ແກຣມມີ ອາວອດສ໌ ຄັ້ງທີ 59 ໃຫ້ກັບ ບີຢອງເຊ.

ງານປະກາດຜົນລາງວັນ ແກຣມມີ ອາວອດສ໌ ຄັ້ງທີ 59 ປະຈຳປີ 2017 ທີ່ໄດ້ຈັດຂຶ້ນເມື່ອຕອນທ່ຽງຄືນຂອງວັນທີ 12 ກຸມພາ 2017 ທີ່ຜ່ານມາ ທີ່ສະຫະລັດອາເມລິກາ ເຊິ່ງຜູ້ທີ່ກວດລາງວັນໄປຫຼາຍທີສຸດໃນປີນີ້ກໍ່ແມ່ນ ນັກຮ້ອງສາວສຽງຊົງຄົນນີ້ ອະເດລ ທີ່ຄ້ວາລາງວັນໃຫຍ່ ອາລະປ້ຳແຫ່ງປີ ແລະ ເພງແຫ່ງປີໄປຄອງໄດ້ສຳເລັດ ລວມແລ້ວຄ້ວາໄປເຖິງ 5 ລາງວັນເລີຍ.

ແລະ ໃນຂະນະທີ່ນາງກຳລັງຂຶ້ນຮັບລາງວັນທີ່ກ່າວເທິງເວທີ ນາງກໍ່ໄດ້ສ້າງຄວາມ ເຊີໄພລ ຄັ້ງໃຫຍ່ໃຫ້ຜູ້ຄົນທີ່ໄປຮ່ວມງານ ລວມທັງຜູ້ຄົນທີ່ຕິດຕາມຢູ່ທາງໂທລະພາບ ເພາະ ນາງໄດ້ຫັກລາງວັນ ປັນໃຫ້ ນັກຮ້ອງຂວັນໃຈຂອງນາງນັ້ນກໍ່ຄື ບີຢອງເຊ ທີ່ປີນີ້ ບີຢອງເຊ ຜິດຫວັງກັບການພາດບໍ່ໄດ້ຮັບລາງວັນໃນເວທີນີ້.

ອະເດລ ໃຫ້ເຫດຜົນການຫັກລາງວັນປັນ ບີຢອງເຊວ່າ: “ຂ້ອຍດີໃຈກັບລາງວັນນີ້ ແຕ່ບໍ່ສາມາດຮັບມັນໄວ້ໄດ້ຢ່າງເຕັມໃຈ ສິລະປິນໃນດວງໃນຂ້ອຍ ບີຢອງເຊ ອາລະບ້ຳ Lemonade ເປັນອາລະບ້ຳທີ່ສົມຄວນໄດ້ຮັບການຈາລຶກໄວ້ ມັນຊົງພະລັງຫຼາຍ ເຮົາໄດ້ເຫັນດ້ານອື່ນໆຂອງລາວທີ່ບໍ່ເຄີຍໄດ້ເຫັນມາກ່ອນ ບີຢອງເຊ ປຽບເໝືອນແສງສະຫວ່າງໃຫ້ແກ່ບັນດາສີລະປິນ ຂ້ອຍ ແລະ ທຸກຄົນຕ່າງຊື່ນຊົມ ສິ່ງທີ່ນາງເຮັດ, ຂ້ອຍ ແລະ ເພື່ອນໆຜິວສີມີພະລັງຢືນຢັດໃນຕົວເອງ ຂ້ອຍຮັກເຈົ້າ ແລະ ຕະຫຼອດໄປ”