ອັງກິດ ໄດ້ທົບທວນເຖິງມາດຕະການຂ້ວາມບາດຕໍ່ຣັດເຊຍ ຫວັ່ນກະທົບຄວາມຕ້ອງການຂອງການບໍລິໂພກ
ເຮັດໃຫ້ບໍ່ໝັ້ນໃຈເຖິງຄວາໝັ້ນຄົງທາງດ້ານອາຫານຂອງປະເທດໃນອານາຄົດ.
ສື່ຂອງຕ່າງປະເທດລາຍງານວ່າ ອັງກິດໄດ້ຕັດສິນໃຈປົກປ້ອງການຜະລິດອາຫານຂອງຕົນເອງ ຫຼຸດຜ່ອນການ
ເພິ່ງພາອາຫານຈາກຣັດເຊຍ ໂດຍການຈ່າຍເງິນປັນຜົນເພື່ອສິ່ງແວດລ້ອມ ເພື່ອທີ່ຈະສາມາດໃຫ້ປະຊາຊົນຍັງ
ຄົງມີອາຫານບໍລິໂພກໃນແຕ່ລະວັນ.
ທັງນີ້ ຣັດເຊຍຖືເປັນຜູ້ສົ່ງອອກເຂົ້າສາລີລາຍໃຫຍ່ ຈາກມາດຕະການຂ້ວາມບາດທາງເສດຖະກິດຕໍ່ຣັດເຊຍ ເຊິ່ງ
ມີແນວໂນ້ມສົ່ງຜົນກະທົບໃຫ້ລາຄາເຂົ້າສາລີສູງຂຶ້ນໃນປີ 2015 ນີ້, ແຕ່ເຖິງແນວໃດກໍຕາມ ມາດຕະການດັ່ງກ່າວ
ໄດ້ລະງັບກິດຈະການທະນາຄານຂອງຣັດເຊຍໃນທຸກໆປະເທດທີ່ເຂົ້າຮ່ວມລົງໂທດ ຈະເຮັດໃຫ້ຊາວນາຣັດເຊຍຫຍຸ້ງ
ຍາກໃນການເຂົ້າເຖິງແຫຼ່ງເງິນທຶນເພື່ອທຳການຜະລິດ, ແຕ່ທາງດ້ານຣັດເຊຍເອງ ກໍໄດ້ຕອບໂຕ້ສະຫະພາບເອີ
ລົບແບບໜາມຍອກເອົາໜາມບົ່ງ ດ້ວຍການສັ່ງຫ້າມນຳເຂົ້າອາຫານຈາກເອີລົບ, ສະຫະລັດອາເມຣິກາ ແລະ ອົດ
ສະຕາລີ ເຊິ່ງສະຫະພາບກະສິກອນແຫ່ງຊາດອັງກິດ ໄດ້ຊີ້ວ່າ ຈາກເຫດການດັ່ງກ່າວ ຈະເຮັດໃຫ້ການຄ້າລະຫວ່າງ
ປະເທດສັ່ນຄອນ ເນື່ອງຈາກອັງກິດສາມາດຜະລິດອາຫານໄດ້ພຽງ 62% ຂອງຄວາມຕ້ອງການບໍລິໂພກຂອງປະ
ຊາກອນອັງກິດທັງໝົດ.