ແມນນີ່ ປາກຽວ ແຊັມມວຍໂລກຮຸ່ນ ວໍເຕີເວດ ຂອງອົງການມວຍໂລກ ຊ່ວງນີ້ມາແປກ ຫຼັງໄດ້ໂພສຂໍ້ຄວາມ “See you in UAE for my next fight. #TeamPacquiao” ລົງໃນທະວິດເຕີສ່ວນຕົວ ເພື່ອເປີດໃຫ້ແຟນຄລັບເປັນຄົນເລືອກຕູ່ຊົກ ໄຟຕ໌ການຊົກຕໍ່ໄປຂອງເຂົາ ເຊິ່ງມີຕົວເລືອກຄື: ເຈຟ ຮອນ ຊາວອອສເຕເລຍ, ເທີເຣນ ຄຣອຟ ແຊັມມວຍໂລກຊາວອາເມລິກັນ, ອາເມຍ ຂ່ານ ຍອດແຊັມມວຍໂລກຊາວອັງກິດ ຫຼື ເດລ ບຣູ໊ດ ແຊັມມວຍໂລກຮຸ່ນວໍເຕເວດ ສະຫະພັນມວຍນານາຊາດ ຫຼື ໄອບີເອຟ ຊາວອັງກິດ.
ການເປີດໂຫວດຂອງ ປາກຽວ ໃນຄັ້ງນີ້ ກໍ່ໄດ້ມີແຟນມວຍກວ່າ 108,000 ຄົນ ຮ່ວມລົງຄະແນນ ເຊິ່ງຜົນຫຼ້າສຸດເມື່ອເຊົ້າວັນຈັນທີ 13 ກຸມພາ 2017 (ມື້ນີ້) ມີແຟນໆກວ່າ 10,000 ຄົນ ໂຫວດໃຫ້ ຂ່ານ ເປັນຄູ່ຊົກຂອງປາກຽວ
ກ່ອນໜ້ານີ້ ເຄີຍມີຂ່າວວ່າ ແມນນີ່ ປາກຽວ ຍອດນັກມວຍແຊັມໂລກຊາວ ຟິລິບປິນ ມີແຜນຈະຂຶ້ນຊົກກັບ ເຈຟ ຮອນ ໃນເດືອນ ເມສາ 2017 ທີ່ໃກ້ຈະມາຮອດນີ້ ທີ່ນະຄອນ ບຣິສເບນ ປະເທດ ອອສເຕຣເລຍ ແຕ່ຫຼ້າສຸດ ເຂົາໄດ້ປ່ຽນແຜນຈະຂຶ້ນຊົກທີ່ ສະຫະລັດອາຫຼັບເອມິເຣດ.
ສ່ວນເຫດຜົນວ່າເປັນຫຍັງ ປາກຽວ ຈິ່ງ ເປີດໂຫວດຫາຄູ່ຊົກໃໝ່ນັ້ນບໍ່ໄດ້ຮັບການເປີດເຜີຍຈາກຜູ້ກ່ຽວ
ແຫລ່ງຂ່າວ: ເວັບໄຊ ຂ່າວສົດ