ສຳນັກຂ່າວຕ່າງປະເທດລາຍງານໃນມື້ນີ້ (12 ສິງຫາ) ວ່າ ເຈົ້າໜ້າທີ່ລະດັບສູງຂອງອົງການອານາໄມໂລກ (WHO)
ໄດ້ເປີດເຜີຍໃນວັນຈັນທີ 11 ສິງຫາ 2014 ຜ່ານມາ ໂດຍໄດ້ລະບຸວ່າ ວັກແຊັງສຳລັບຮັບມືກັບເຊື້ອໄວຣັສມໍລະນະ
” ອີໂບລາ ” ອາດພ້ອມນຳມາໃຊ້ກັບສາທາລະນະຊົນໄດ້ ພາຍໃນປີ 2015.
ທ່ານ ມາຣີ ເພົາເລ ຄີນີ ຜູ້ຊ່ວຍຜູ້ອຳນວຍການໃຫຍ່ອົງການອານາໄມໂລກ ອອກມາຍອມຮັບໃນວັນຈັນ 11 ສິງຫາ
2014 ວ່າ ມີຄວາມເປັນໄປໄດ້ ທີ່ອາດຈະມີການທົດລອງວັກແຊັງຕ້ານອີໂບລາຢູ່ໃນຄລີນິກໃນໄວໆນີ້ ເຊິ່ງນັ້ນໝາຍ
ຄວາມວ່າ ວັກແຊັງທີ່ເປັນຄວາມຫວັງຂອງຄົນໃນທົ່ວໂລກ ອາດພ້ອມອອກມານຳໃຊ້ໃນຕົວຈິງຕໍ່ສາທາລະນະຊົນ
ທົ່ວໂລກພາຍໃນປີ 2015 ນີ້.
ດ້ານຜູ້ອຳນວຍການຝ່າຍວັກແຊັງ ແລະ ພຸມຄຸ້ມກັນຂອງ WHO ກໍໄດ້ອອກມາເຜີດເຜີຍຜ່ານສະຖານີວິທະຍຸຂອງ
ຝຣັ່ງ ໂດຍລະບຸວ່າ ທຸກຝ່າຍທີ່ກ່ຽວຂ້ອງ ກຳລັງເລັ່ງດຳເນີນງານພາຍໃຕ້ເງື່ອນໄຂແຫ່ງຄວາມຮີບດ່ວນ ເພື່ອວິໄຈ
ແລະ ພັດທະນາວັກແຊັງສຳລັບຮັບມືກັບເຊື້ອໄວຣັສອີໂບລາ ແລະ ເຊື່ອວ່າ ວັກແຊັງໂຕນີ້ຈະພ້ອມກັບການໃຊ້ງານ
ໄດ້ແທ້ຈິງພາຍໃນປີໜ້າ.
ຄວາມເຄື່ອນໄຫວດັ່ງກ່າວຂອງອົງການອານາໄມໂລກ ເກີດຂຶ້ນໃນຂະນະທີ່ຍອດຜູ້ເສຍຊີວິດ ຈາກການຕິດເຊື້ອໄວ
ຣັສອີໂບລາ ເຊິ່ງຍັງບໍ່ທັນມີຫົນທາງໃນການຮັກສາ ໄດ້ເພີ່ມຈຳນວນຂຶ້ນເປັນຫລາຍກ່ວາ 960 ຄົນແລ້ວ ໃນພູມີ
ພາກອາຟຣິກາຕາເວັນຕົກ ຈາກຈຳນວນຜູ້ຕິດເຊື້ອທີ່ມີເກືອບ 1,800 ກ່ວາຄົນ.
