ສຳນັກຂ່າວອອນລາຍຂອງໄທຫຼາຍສຳນັກ ລາຍງານເມື່ອວັນທີ 11 ສິງຫາ 2014 ຜ່ານມາວ່າ ເກີດເຫດອາຄານພາ
ນິດ U Place Condotel ຄວາມສູງ 6 ຊັ້ນແຫ່ງໜຶ່ງ ຢູ່ໃນຊອຍຣັງສິດ ຄອງ 6 ໃກ້ກັບມະຫາວິທະຍາໄລຣາຊະມຸງຄຸນ
ທັນບູຣີື ເຊິ່ງກຳລັງຢູ່ໃນລະຫວ່າງການກໍ່ສ້າງ ໄດ້ຖະຫຼົ່ມລົງມາທັງໝົດ ຂະນະທີ່ກຳມະກອນປະມານ 50 ຄົນ ກຳລັງ
ເຮັດວຽກກໍ່ສ້າງຢູ່ພາຍໃນຕຶກດັ່ງກ່າວ.
ທາງດ້ານເຈົ້າໜ້າທີ່ຕຳຫຼວດຈັງຫວັດ (ແຂວງ) ປະທຸມທານີ ໄດ້ເປີດເຜີຍວ່າ ຍັງບໍ່ສາມາດລຸບຸຈຳນວນຜູ້ບາດເຈັບ
ແລະ ເສຍຊີວິດໄດ້ຊັດເຈນ ໂດຍເຈົ້າໜ້າທີ່ກຳລັງເລັ່ງກວດສອບ ແລະ ມີລາຍງານລ່າສຸດ ຈາກກເຈົ້າໜ້າທີ່ກູ້ໄພວ່າ
ສາມາດກູ້ຊາກສົບອອກມາໄດ້ແລ້ວ 4 ລາຍ ແລະ ມີຜູ້ບາດເຈັບອີກ 10 – 20 ລາຍ ໄດ້ຖືກນຳໂຕສົ່ງໂຮງໝໍໃກ້ຄຽງ
ໂດຍໃນຈຳນວນນັ້ນ ມີອາການສາຫັດຫຼາຍລາຍ ເຊິ່ງທີ່ໜ້າສະຫຼົດໃຈ ແມ່ນເຈົ້າໜ້າທີ່ໄດ້ພົບສົບຂອງແມ່ກັບລູກ
ຕິດຢູ່ໃນຊາກຕຶກຖະຫຼົ່ມນັ້ນດ້ວຍ.
ອາຄານພານິດແຫ່ງດັ່ງກ່າວ ແມ່ນກຳລັງຢູ່ໃນລະຫວ່າງການກໍ່ສ້າງ ໂດຍອາຄານໄດ້ເລີ່ມຖະຫຼົ່ມຈາກຊັ້ນທີ 6 ໃນຊ່ວງ
ຂອງການເທຄານ ແລ້ວເກີດຍຸບໂຕລົງມາທັງ 6 ຊັ້ນ ເຮັດໃຫ້ທັບກຳມະກອນກໍ່ສ້າງ ທີ່ກຳລັງເຮັດວຽກຢູ່ພາຍໃນຕຶກ
ດັ່ງກ່າວ.
ຕໍ່ມາໃນເວລາ 19:30 ໂມງ ກົມປ້ອງກັນ ແລະ ບັນເທົາສາທາລະນະໄພຂອງໄທ ໄດ້ສະຫຼຸບເຫດຕຶກຖະຫຼົ່ມເບື້ອງຕົ້ນວ່າ
ພົບຜູ້ເສຍຊີວິດແລ້ວ 4 ລາຍ ແລະ ບາດເຈັບ 19 ລາຍ ເຊິ່ງມາຮອດປະຈຸບັນ ເຈົ້າໜ້າທີ່ກູ້ໄພກຳລັງເລັ່ງຊອກຫາຜູ້ທີ່
ຕິດຢູ່ໃນຊາກຕຶກ ເຊິ່ງທັງນີ້ເຈົ້າໜ້າທີ່ຄາດວ່າ ຍັງມີຜູ້ທີ່ຕິດຢູ່ໃຕ້ຊາກຫັກພັງອີກຢູ່ 14 ຄົນ.