ສຳນັກຂ່າວຕ່າງປະເທດ ລາຍງານໃນວັນທີ 8 ກຸມພາຜ່ານມານີ້ວ່າ ເມື່ອຄືນວັນອັງຄານທີ 7 ກຸມພາຜ່ານມາ ໄດ້ເກີດເຫດໄຟໄໝ້ຢ່າງຮຸນແຮງ ໃນເຂດຊຸມຊົນແອອັດ Parola Compound ໃກ້ກັບທ່າເຮືອຂອງນະຄອນຫລວງມະນີລາ ປະເທດຟິລິບປິນ ສົ່ງຜົນເຮັດໃຫ້ເຮືອນຊານຂອງປະຊາຊົນ ຖືກໄຟໄໝ້ເສຍຫາຍນັບພັນຫລັງ ໂດຍເຈົ້າໜ້າທີ່ໄດ້ລະດົມກຳລັງເຂົ້າມອດໄຟ ສຳເລັດໃນຕອນເຊົ້າຂອງມື້ວັນພຸດຜ່ານມານີ້.
ເຫດໄຟໄໝ້ດັ່ງກ່າວ ໄດ້ເຮັດໃຫ້ປະຊາຊົນປະມານ 15,000 ຄົນ ບໍ່ມີທີ່ຢູ່ອາໄສ, ມີຜູ້ໄດ້ຮັບບາດເຈັບເລັກໜ້ອຍ 7 ຄົນ ແຕ່ບໍ່ມີຜູ້ເສຍຊີວິດ, ນອກຈາກນັ້ນ ຍັງສົ່ງຜົນກະທົບຕໍ່ກັບການຈະລາຈອນໃນເຂດໃກ້ຄຽງ ໂດຍລົດບັນທຸກຂົນສົ່ງສິນຄ້າເຂົ້າ-ອອກທ່າເຮືອ ບໍ່ສາມາດເຄື່ອນຍ້າຍໄດ້ຫລາຍຊົ່ວໂມງ.
