spot_img
Homeຂ່າວເຫດການຮອງນາຍົກລັດຖະມົນຕີ ບຸນທອງ ຈິດມະນີ ຢ້ຽມຢາມ ແລະ ເຮັດວຽກຢູ່ສອງແຂວງພາກເໜືອ

ຮອງນາຍົກລັດຖະມົນຕີ ບຸນທອງ ຈິດມະນີ ຢ້ຽມຢາມ ແລະ ເຮັດວຽກຢູ່ສອງແຂວງພາກເໜືອ

Published on

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ເມືອງປາກແບງ ແຂວງອຸດົມໄຊ ແລະ ເມືອງຜາອຸດົມ ແຂວງບໍ່ແກ້ວ ເມື່ອວັນທີ 7 ກຸມພາຜ່ານມານີ້ ໂດຍການນຳສອງແຂວງ-ເມືອງ ໃຫ້ການຕ້ອນຮັບ. ການລົງຢ້ຽມຢາມ ແລະ ເຮັດວຽກຢູ່ເມືອງປາກແບງ ແຂວງອຸດົມໄຊ, ທ່ານຮອງນາຍົກລັດຖະມົນຕີ ໄດ້ຮັບຟັງການລາຍງານສະພາບລວມໂດຍຫຍໍ້, ສະພາບການພັດທະນາເສດຖະກິດ-ສັງຄົມ ແລະ ໄດ້ມອບເຄື່ອງນຸ່ງ, ຢາປົວພະຍາດ ແລະ ມອບເງິນຊ່ວຍເຫຼືອຈຳນວນໜຶ່ງ ເພື່ອເປັນການຊຸກຍູ້ຊ່ວຍເຫຼືອໃຫ້ເມືອງ ກໍຄືປະຊາຊົນພາຍໃນເມືອງ ແລະ ເດີນທາງໄປເບິ່ງໂຄງການເຂື່ອນໄຟຟ້ານ້ຳຂອງຈຸດປາກແບງ ໂດຍໄດ້ຮັບຟັງການລາຍງານຈາກເຈົ້າຂອງໂຄງການໂດຍສັງເຂບ. ໃນວັນດຽວກັນ, ທ່ານຮອງນາຍົກ ພ້ອມຄະນະ ກໍໄດ້ເດີນທາງໄປຢ້ຽມຢາມບ້ານຈັດສັນຫາດໝວກ ເມືອງຜາອຸດົມ ແຂວງບໍ່ແກ້ວ ຊຶ່ງເປັນບ້ານຈັດສັນຍົກຍ້າຍໃຫ້ປະຊາຊົນຜູ້ຖືກຜົນກະທົບ ຈາກການກໍ່ສ້າງເຂື່ອນໄຟຟ້ານ້ຳຕົກນ້ຳທາ 1 ແລະ ຮັບຟັງການລາຍງານສະພາບການຈັດຕັ້ງປະຕິບັດໂຄງການຈັດສັນທີ່ຢູ່ອາໄສຂອງປະຊາຊົນ ຈາກເລຂາພັກບ້ານນາຍບ້ານໆຫາດໝວກ ຊຶ່ງໄດ້ສຳເລັດການປຸກເຮືອນໃຫ້ປະຊາຊົນລວມ ທັງໝົດ 566 ຫຼັງຄາເຮືອນ; ໄດ້ກໍ່ສ້າງເສັ້ນທາງແຕ່ບ້ານຫາດຄຳ-ບ້ານຈັດສັນຫາດໝວກ ໄລຍະທາງ 12 ກິໂລແມັດ ແລະ ກໍ່ສ້າງເສັ້ນທາງພາຍໃນບ້ານຈັດສັນ ເຮັດໃຫ້ການສັນຈອນໄປມາມີຄວາມສະດວກຂຶ້ນ; ໄດ້ສຳເລັດການສ້າງ ແລະ ໄຂການນຳໃຊ້ໂຮງຮຽນ 4 ຫຼັງ; ສຸກສາລາ-ຫໍພັກແພດ, ຫົວງານນ້ຳລິນ, ອ່າງເກັບນ້ຳ 3 ອ່າງ, ກໍ່ສ້າງລະບົບໄຟຟ້າພ້ອມໝໍ້ແບ່ງ, ຕິດຕັ້ງໄຟຟ້າເຂົ້າເຮືອນປະຊາຊົນ 559 ຫຼັງຄາເທົ່າກັບ 98,76%; ບຸກເບີກ ແລະ ປັບເນື້ອທີ່ກໍ່ສ້າງວັດ, ສ້າງຕະຫຼາດ, ສະໂມສອນ ແລະ ຫ້ອງການ ບ້ານ. ໂອກາດນີ້, ທ່ານຮອງນາຍົກລັດຖະມົນຕີ ໄດ້ໃຫ້ກຽດໂອ້ລົມຕໍ່ສະມາຊິກພັກ-ພະນັກງານ, ທະຫານ, ຕຳຫຼວດ ແລະ ພໍ່ແມ່ປະຊາຊົນ ໂດຍສະແດງເຖິງຄວາມເປັນຫ່ວງເປັນໄຍ ຈາກພັກ-ລັດຂັ້ນເທິງ ແລະ ໄດ້ ເນັ້ນໜັກໃຫ້ອົງການປົກຄອງ- ປະຊາຊົນແຕ່ຂັ້ນແຂວງລົງຫາ ຮາກຖານບ້ານໃຫ້ເອົາໃຈໃສ່ ໃນການປ້ອງກັນຊາດ-ປ້ອງກັນຄວາມສະຫງົບ, ການແກ້ໄຂ ແລະ ຕ້ານປະກົດການຫຍໍ້ທໍ້,ບັນຫາຢາເສບຕິດ, ປັບປຸງລະບົບການຈັດຕັ້ງຂອງບ້ານ, ເມືອງ, ເອົາໃຈໃສ່ວຽກງານສາມສ້າງ, ການພັດທະນາເສດຖະກິດ-ສັງຄົມ ແລະ ໄດ້ມອບເຄື່ອງນຸ່ງໃຫ້ປະຊາຊົນໃນບ້ານ, ມອບຢາປົວພະຍາດໃຫ້ສຸກສາລາບ້ານ, ອຸປະກອນການຮຽນ-ອຸປະກອນ ກິລາ ແລະ ມອບເງິນຊ່ວຍເຫຼືອ ໃຫ້ບ້ານຫາດໝວກ ແລະ ເມືອງຜາອຸດົມຈຳນວນໜຶ່ງ ເພື່ອເປັນການຊຸກຍູ້ຊ່ວຍເຫຼືອ ແລະ ໃຫ້ກຳລັງໃຈປະຊາຊົນ ພາຍໃນບ້ານຈັດສັນໃໝ່ ພ້ອມນີ້ຍັງໄດ້ໄປຢ້ຽມຢາມເບິ່ງ ໂຄງການເຂື່ອນໄຟຟ້ານ້ຳທາ 1, ມູນຄ່າການກໍ່ສ້າງ 447 ລ້ານ ໂດລາສະຫະລັດ, ກຳລັງການຕິດຕັ້ງ 168 ເມກາວັດ, ປັດຈຸບັນການກໍ່ສ້າງສຳເລັດແລ້ວ 67,95% ຄາດວ່າຈະໃຫ້ສຳເລັດ ແລະ ເລີ່ມຜະລິດໄຟຟ້າຈັກເບີ 1 ໃນວັນທີ 31 ທັນວາ 2017 ຊຶ່ງໄວກ່ອນກຳນົດເດີມ ກໍຄືວັນທີ 31 ເມສາ 2016.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ເມືອງສິງ ເລັ່ງຟື້ນຟູຫລັງນໍ້າຖ້ວມເປັນຄັ້ງທີ 2

ທ່ານ ຈັນພິພັກ ກອງຈໍາປາ, ເຈົ້າເມືອງໆ ສິງ ແຂວງຫລວງນໍ້າທາ ໃນວັນທີ 3 ຕຸລາ 2024 ວ່າ: ເນື່ອງຈາກຝົນຕົກໜັກເປັນເວລາຫລາຍຊົ່ວໂມງນັບແຕ່ຕອນ ເຊົ້າວັນທີ 1...

ພະຍາກອນອາກາດ ປະຈໍາວັນທີ 04 ຕຸລາ 2024

ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ ຫາ ປານກາງ, ສົມທົບກັບກະແສລົມ ຕາເວັນອອກສ່ຽງເໜືອພັດປົກຄຸມ. ເຊິ່ງຈະເຮັດໃຫ້ອາກາດຈະເຢັນ ໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງ ບລະເວນ...

ຈະລາຈອນນະຄອນຫຼວງວຽງຈັນ ມີຄວາມພ້ອມ 100% ອຳນວຍຄວາມສະດວກໃນໄລຍະກອງປະຊຸມສຸດຍອດອາຊຽນ ຄັ້ງທີ 44,45

ພັທ ສັງຄົມ ພົມມະລາດ ຫົວໜ້າພະແນກຕໍາຫຼວດຈາລະຈອນ ນະຄອນຫລວງວຽງຈັນ ໃຫ້ສໍາພາດຕໍ່ສື່ມວນຊົນໃນວັນທີ 3 ຕຸລາ 2024 ວ່າ: ມາຮອດປັດຈຸບັນ, ເຈົ້າໜ້າທີ່ຕໍາຫລວດຈະລາຈອນ ນະຄອນຫລວງວຽງຈັນ ພ້ອມແລ້ວຈະອໍານວຍຄວາມສະດວກໃນການສັນຈອນຕາມທ້ອງຖະໜົນໃນໄລຍະທີ່...

ແຈ້ງພັກການຮຽນ-ການສອນ! 497 ແຫ່ງ ໃນນະຄອນຫຼວງວຽງຈັນ ວັນທີ 8-11 ຕຸລາ 2024

ອີງຕາມແຈ້ງການຂອງພະແນກສຶກສາທິການ-ກິລາ ນະຄອນຫຼວງວຽງຈັນ ລົງເມື່ອວັນທີ 3 ຕຸລາ 2024 ກ່ຽວກັບພັກການຮຽນ-ການສອນ ໃນໄລຍະກອງປະຊຸມສຸດຍອດອາຊຽນວັນທີ 8-11 ຕຸລາ 2024 (ອ່ານເພິ່ມລຸ່ມນີ້)