ຖ້າຈະເວົ້າເຖິງຄວາມຄິດສ້າງສັນ ຈິນຕະນາການທີ່ສຸດອະລັງການບໍ່ວ່າຈະເປັນເລື່ອງໃດໆກໍ່ຕ້ອງຍົກໃຫ້ຈີນ ເພາະໃນປັດຈຸບັນ ໄດ້ມີແຜນທີ່ຈະກໍ່ສ້າງ ຕຶກສູງພຽງຟ້າທີ່ມີສະໄຕລການອອກແບບໂດຍການປູກຕົ້ນໄມ້ນ້ອຍໃຫຍ່ປົກຄຸມທົ່ວຕຶກ
Stefano Boeri ສະຖາປະນິກຜູ້ອອກແບບຮຽກຕຶກນີ້ວ່າ “Vertical Forest” ເຊິ່ງປັດຈຸບັນກຳລັງໄດ້ຮັບຄວາມນິຍົມ ຈາກຕຶກຫຼັງທຳອິດທີ່ສ້າງຂຶ້ນໃນເມືອງ ມິລານ ປະເທດ ອິຕາລີ ທີ່ໄດ້ກໍ່ສ້າງໄປແລ້ວ ແລະ ຫຼັງທີສອງທີ່ເມືອງ ໂລຊານ ປະເທດ ສະວິດເຊີແລນ ທີ່ກຳລັງອອກແບບລາຍລະອຽດ ແລະ ຕອນນີ້ຕຶກຫຼັງທີສາມໄດ້ເປີດເຜີຍແຜນທີ່ຈະກໍ່ສ້າງທີ່ເມືອງ ນານກິງ ປະເທດຈີນ.
ໂຄງການ Nanjing Green Towers ອອກແບບໂດຍບໍລິສັດ Stefano Boeri Architetti ຈະເປັນ Vertical Forest ແຫ່ງທຳອິດໃນທະວີບອາຊີບ ປະກອບດ້ວຍທາວເວີຄູ່ມີໂພດຽມຢູ່ທີ່ຍອດຕົວຕຶກສູງ 200 ແມັດ ແລະ ເນື້ອທີ່ຈຳນວນ 108 ແມັດ ມີພື້ນທີ່ສຳນັກງານ, ໂຮງແຮມ, ໂຮງຮຽນ, ຮ້ານຄ້າ, ພັດຕະຄານ, ຮ້ານກິນດື່ມ, ຫ້ອງປະຊຸມ, ສະລອຍນ້ຳ ແລະ ພື້ນທີ່ສຳລັບການຈັດງານຕ່າງໆ
ອາຄານຫຼັງນີ້ຈະປູກຕົ້ນໄມ້ຂະໜາດໃຫຍ່ 600 ຕົ້ນ, ຕົ້ນໄມ້ຂະໜາດກາງ 500 ຕົ້ນ (ຄັດເລືອກຈາກຕົ້ນໄມ້ທ້ອງ ຖິ່ນ 23 ສາຍພັນ) ຍັງມີຂະໜາດຕົ້ນໄມ້ຫຼຸດກັນລົງມາອີກ 2,500 ຕົ້ນ ແລະ ໄມ້ພຸ່ມໃນໂຖຄອນກີດທີ່ຈະປູກຕາມລະບຽງ ເຊິ່ງອາຄານຫຼັງນີ້ຈະເຮັດໃຫ້ຜູ້ທີ່ຢູ່ອາໃສໄດ້ໃກ້ຊິດກັບທຳມະຊາດພ້ອມມີຄຸນນະພາບຊີວິດທີ່ດີ.
ບໍລິສັດຜູ້ອອກແບບຍັງມີແຜນທີ່ຈະອອກແບບຕຶກ Vertical Forest ອີກຫຼາຍໆເມືອງໃນປະເທດຈີນໄດ້ແກ່: ຊຽງໄຮ້, ກຸ້ຍໂຈວ, ສື່ເຈຍຈວງ ແລະ ຈຸງກິງ ບໍລິສັດ Nanjing Yang Zi State-Owned Investment Group ທີ່ເປັນເຈົ້າຂອງໂຄງການນີ້ໄດ້ຕັ້ງເປົ້າໝາຍທີ່ຈະກໍ່ສ້າງໃຫ້ແລ້ວສຳເລັດພາຍໃນປີ 2018.
ແຫລ່ງຂ່າວຈາກ: http://www.takieng.com/stories/3642
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!