ຕາມການລາຍງານເມື່ອວັນທີ 8 ກຸມພາ 2017 ຜ່ານມາວ່າ ທີມນັກວິໄຈຈາກສະຫະຮາຊອານາຈັກແລະບຣາຊິນ ຄົ້ນພົບໂຄງສ້າງລຶກລັບອາຍຸ 2000 ປີ ຫຼາຍຮ້ອຍອັນໃນປ່າອາເມຊອນ ປະເທດບຣາຊິນ ເຊິ່ງສິ່ງກໍ່ສ້າງອາຍຸເປັນພັນໆປີເຫຼົ່ານີ້ ຖືກປ່າທີ່ຮົກເຮື້ອປົກຄຸມມາຍາວນານ ຈົນຖືກເປີດເຜີຍຕໍ່ສາຍຕາມະນຸດເມື່ອບໍ່ດົນມານີ້ ຫຼັງຈາກມີການຕັດໄມ້ທຳລາຍປ່າຢ່າງແຮງໃນຊ່ວງປີຜ່ານໆມາ

ສິ່ງກໍ່ສ້າງເປັນເນີນດິນຄ້າຍຄືຄັນຄູນໍ້າ ແລະກ້ອນຫີນເປັນກອງປະຫຼາດ ຕັ້ງຮຽງກັນກະຈາຍຢູ່ໃນພື້ນທີ່ລັດອາກຣີໃນປ່າອາເມຊອນ ທາງພາກຕາເວັນຕົກຂອງບຣາຊິນ ເຊິ່ງນັກວິໄຈຍັງບໍ່ຮູ້ຈຸດປະສົງໃນການກໍ່ສ້າງໂຄງສ້າງບູຮານນນີ້ ແຕ່ຄາດວາ ອາດຖືກໃຊ້ເປັນທີ່ຮວມຕົວປະກອບພິທີກຳຢ່າງໜຶ່ງ

ຈາກການວິເຄາະດິນ ທີ່ຂຸດຂຶ້ນມາຈາກພາຍໃນ ແລະນອກດິນ ຂອງສິ່ງກໍ່ສ້າງພົບວ່າ ພື້ນທີ່ດັ່ງກ່າອາດເຄີຍເປັນທີ່ຢູ່ອາໄສຂອງຄົນພື້ນເມືອງດັ່ງເດີມ ຍັງພົບຫຼັກຖານອີກວ່າ ບັນພະບຸລຸດຂອງຊາວບຣາຊິນ ບໍ່ໄດ້ມີການເຜົາປ່າເປັນວົງກວ້າງ ເພື່ອເຮັດໂຄງສ້າງລຶກລັບ, ແຕ່ພວກເຂົາໃຫ້ຄວາມສົນໃຈກັບການປູກພືດເສດຖະກິດເຊັ່ນ: ປາມ  ການປ່ຽນແປງສະພາບແວດລ້ອມໃຫ້ກາຍເປັນະຫຼາດໃນຍຸກດຶກດຳບັນ

ນັກວິໄຈເຊື່ອວ່າ ຄວາມຫຼາກຫຼາຍທາງຊີວະພາບຂອງປ່າ ທີ່ເຫຼືອຢູ່ໃນລັດອາກຣີໃນປັດຈຸບັນ ອາດເປັນຜົນມາຈາກການເຮັດໄຮ່, ເຮັດນາ ແລະສວນ ປະສົມຂອງຄົນຍຸກກ່ອນ