ສຳນັກຂ່າວຕ່າງປະເທດ ລາຍງານໃນວັນທີ 8 ກຸມພານີ້ວ່າ ກອງທັບອັງກິດ ໄດ້ສົ່ງຝູງເຮືອບິນສູ້ຮົບ ບິນເຂົ້າສະກັດ ແລະ ອາລັກຂາ ເຮືອບິນໂດຍສານຂອງ ສາຍການບິນປາກີສະຖານ ອິນເຕີເນຊັນແນວ ແອຣ໌ລາຍ ຖ້ຽວບິນ PK757 ທີ່ບິນຈາກນະຄອນຫລວງລາຮໍ ມຸ່ງໜ້າສູ່ເມືອງຮີດໂທ ປະເທດອັງກິດ ເພື່ອໃຫ້ປ່ຽນເສັ້ນທາງໄປລົງຈອດ ທີ່ສະໜາມບິນສະແຕນສະເຕດ ທາງພາກຕາເວັນອອກສຽງເໜືອ ຂອງນະຄອນຫລວງລອນດອນແທນ ເນື່ອງຈາກກັງວົນວ່າ ອາດຖືກຈີ້ ຫລື ປະເຊີນກັບໄພກໍ່ການຮ້າຍ.

ແນວໃດກໍຕາມ, ພາຍຫລັງເຮືອບິນລຳດັ່ງກ່າວຖືກລົງຈອດ ແລະ ໄດ້ມີການສືບສວນຂອງເຈົ້າໜ້າທີ່ຕຳຫລວດ ຊຶ່ງໄດ້ມີການຖະແຫລງໃນເວລາຕໍ່ມາວ່າ ການບັງຄັບໃຫ້ເຮືອບິນລຳດັ່ງກ່າວ ປ່ຽນເສັ້ນທາງບິນໃນຄັ້ງນີ້ ສືບເນື່ອງຈາກມີລາຍງານວ່າ ເກີດເຫດຜູ້ໂດຍສານກໍ່ຄວາມວຸ້ນວາຍເທິງເຮືອບິນ ແລະ ບໍ່ເຊື່ອວ່າເຫດການນີ້ ຈະເປັນເຫດການຈີ້ເຮືອບິນ ຫລື ເປັນປະເດັນກ່ຽວກັບການກໍ່ການຮ້າຍ.