spot_img
Homeຂ່າວຕ່າງປະເທດຜູ້ຂໍວີຊາເຂົ້າອາເມຣິກາ ອາດຕ້ອງເຜີຍລະຫັດຜ່ານ ໂຊຊຽວມີເດຍຂອງຕົນ ໃຫ້ເຈົ້າໜ້າທີ່ກວດສອບປະຫວັດ

ຜູ້ຂໍວີຊາເຂົ້າອາເມຣິກາ ອາດຕ້ອງເຜີຍລະຫັດຜ່ານ ໂຊຊຽວມີເດຍຂອງຕົນ ໃຫ້ເຈົ້າໜ້າທີ່ກວດສອບປະຫວັດ

Published on

ສຳນັກຂ່າວຕ່າງປະເທດ ລາຍງານໃນວັນທີ 8 ກຸມພານີ້ວ່າ ທ່ານ ຈອນ ເຄນລີ ລັດຖະມົນຕີກະຊວງຄວາມໝັ້ນຄົງແຫ່ງມາຕຸພູມ ສະຫະລັດອາເມຣິກາ ໄດ້ອອກມາຖະແຫລງເມື່ອວັນທີ 7 ກຸມພາຜ່ານມານີ້ ລະບຸວ່າ ສະຖານທູດສະຫະລັດຯ ອາດຈະຂໍໃຫ້ຜູ້ຍື່ນຄຳຮ້ອງຂໍວີຊາເຂົ້າປະເທດ ຕ້ອງໄດ້ເປີດເຜີຍລະຫັດຜ່ານເວັບໄຊ ສື່ສັງຄົມອອນລາຍ ຫລື ໂຊຊຽວມີເດຍຂອງຕົນເອງ ໃຫ້ແກ່ເຈົ້າໜ້າທີ່ ເພື່ອເຂົ້າກວດສອບປະຫວັດການໃຊ້ງານ ຊຶ່ງມາດຕະການດັ່ງກ່າວນີ້ ກຳລັງຖືກພິຈາລະນາຢູ່ ແລະ ອາດເປັນສ່ວນໜຶ່ງຂອງນະໂຍບາຍ ກວດສອບຄົນເຂົ້າປະເທດທີ່ເຂັ້ມງວດຂຶ້ນ ເພື່ອກີດກັ້ນບຸກຄົນທີ່ອາດເປັນໄພຕໍ່ຄວາມໝັ້ນຄົງ ໂດຍສະເພາະພົນລະເມືອງຈາກ 7 ປະເທດມຸດສະລິມ ທີ່ຍັງບໍ່ທັນມີລະບົບການກວດສອບປະຫວັດທີ່ດີເທົ່າທີ່ຄວນເຊັ່ນ ອີຣ່ານ, ອີຣັກ, ລີບີ, ໂຊມາລີ, ຊູດັງ, ຊີຣີ ແລະ ເຢແມນ.

ແນວໃດກໍຕາມ ທ່ານ ເຄນລີ ໄດ້ເວົ້າວ່າ ເລື່ອງດັ່ງກ່າວນີ້ ຍັງບໍ່ທັນມີການຕັດສິນໃຈເທື່ອ, ແຕ່ສະຫະລັດຯ ຈະມີມາດຕະການກວດສອບທີ່ເຂັ້ມງວດກວ່າເກົ່າຢ່າງແນ່ນອນ ຊຶ່ງອາດຈະເຮັດໃຫ້ຂັ້ນຕອນຂອງການຂໍວີຊາ ຕ້ອງໄດ້ໃຊ້ເວລາດົນຂຶ້ນ.  ທັງນີ້, ປະທານາທິບໍດີ ໂດນັນ ທຣັມ ໄດ້ອອກຄຳສັ່ງເມື່ອວັນທີ 27 ມັງກອນຜ່ານມາ ຫ້າມພົນລະເມືອງ 7 ຊາດມຸດສະລິມ ເດີນທາງເຂົ້າສະຫະລັດອາເມຣິກາ ເປັນການຊົ່ວຄາວ ແຕ່ຄຳສັ່ງດັ່ງກ່າວ ໄດ້ຖືກສານນະຄອນຊີແອດໂຕ ພິພາກສາໃຫ້ລະງັບໄວ້ ຕັ້ງແຕ່ວັນທີ 3 ກຸມພາທີ່ຜ່ານມາ.

 

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...