ຄົນເຮົາອອກກຳລັງກາຍ ເພື່ອຫວັງໃຫ້ສຸຂະພາບດີ ແລະແຂງແຮງ, ດັ່ງນັ້ນ ການອອກກຳລັງກາຍ ກໍຄວນອອກຢ່າງເໝາະສົມ ຖ້າລະຫວ່າງອອກກຳລັງກາຍແລ້ວ ເກີດມີອາການດັ່ງຕໍ່ໄປນີ້ ຄວນຢຸດອອກກຳລັງກາຍທັນທີ ກ່ອນທີ່ຮ່າງກາຍຈະບໍ່ໄຫວ ຈົນເກີດອາການຜິດປົກກະຕິ
- ເມື່ອຍຜິດປົກກະຕິ ຮັບຮູ້ໄດ້ວ່າກຳລັງຝືນຮ່າງກາຍຫຼາຍເກີນໄປ
- ໃຈເຕັ້ນຜິດປົກກະຕິ ຮູ້ສຶກໃຈເຕັ້ນແຮງ ແລະໄວ ຫຼາຍກວ່າການອອກກຳລັງກາຍຄັ້ງຜ່ານມາ
- ຫາຍໃຈບໍ່ທົ່ວທ້ອງ ຫາຍໃຈຂັດເປັນບາງຄັ້ງ
- ເຈັບຫົວ
- ປວດຮາກ
- ໜ້າມືດ
- ເຫື່ອອອກຫຼາຍກວ່າປົກກະຕິ ຫຼືມືຕີນເຢັນ
- ເລີ່ມຮູ້ສຶກວ່າ ກຳລັງຈະບໍ່ມີສະຕິ
ຫາກມີອາການທີ່ເວົ້າມານັ້ນ 1 ຫຼື 2 ອາການ ຄວນຢຸດອອກກຳລັງກາຍ ແລ້ວນັ່ງພັກຜ່ອນ ຫຼືຈົນກວ່າຮ່າງກາຍຈະກັບມາເປັນປົກກະຕິ, ເຊິ່ງສາເຫດທີ່ເຮັດໃຫ້ອອກກຳລັງກາຍບໍ່ໄດ້ ຫຼືຮ່າງກາຍບໍ່ໄຫວ ອາດມີສາເຫດມາຈາກ:
- ພັກຜ່ອນບໍ່ພຽງພໍ
- ໝົດມື້ກິນອາຫານໜ້ອຍດຽວ
- ອອກກຳລັງກາຍຫຼາຍເກີນໄປ
- ບໍ່ສະບາຍ, ຮ່າງກາຍບໍ່ແຂງແຮງ ຫຼືຫາກໍຫາຍດີຈາກການບໍ່ສະບາຍ
- ອາກາດຮ້ອນຫຼາຍເກີນໄປ ອາດເຮັດໃຫ້ເປັນລົມ ຫຼືໝົດສະຕິໄດ້
- ຫາກໍ່ກິນອາຫານອິ່ມ ເລືອດໃນລະບົບໄຫຼວຽນເລືອດຈະຖືກແບ່ງໄປໃຊ້ການຍ່ອຍອາຫານ ເພາະເລເລືອດຈະໄປຫຼໍ່ລ້ຽງກ້າມເນື້ອທີ່ໃຊ້ການອອກກຳລັງກາຍໜ້ອຍລົງ
- ຂາດນໍ້າ ທັງກ່ອນ ແລະຫຼັງອອກກຳລັງກາຍ
ກ່ອນການອອກກຳລັງກາຍ ຄວນໝັ້ນໃຈວ່າ ຮ່າງກາຍພ້ອມຕໍ່ການອອກກຳລັງກາຍແລ້ວ ຄ່ອຍອອກ, ຢ່າຝືນອອກກຳລັງກາຍຫຼາຍເກີນໄປ ບໍ່ດັ່ງນັ້ນແທນທີ່ຈະໄດ້ຮ່າງກາຍທີ່ແຂງແຮງ ກັບໄດ້ຮັບອາການເຈັບປ່ວຍແທນ
ຕິດຕາມນານາສາລະ ກົດໄລຄ໌ເລີຍ!