spot_img
Homeຂ່າວພາຍ​ໃນປະທານກວດກາສູນກາງພັກຮຽກຮ້ອງທຸກພາກສ່ວນຕ້ານການສໍ້ລາດບັງຫລວງຢ່າງຈິງຈັງ

ປະທານກວດກາສູນກາງພັກຮຽກຮ້ອງທຸກພາກສ່ວນຕ້ານການສໍ້ລາດບັງຫລວງຢ່າງຈິງຈັງ

Published on

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ,ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ, ໄດ້ຮຽກຮ້ອງໃຫ້ທຸກພາກສ່ວນເພີ່ມທະວີການສະກັດກັ້ນ ແລະ ຕ້ານການສໍ້ລາດບັງຫລວງຢ່າງຈິງຈັງ, ພາຍຫລັງເຫັນວ່າບັນຫາດັ່ງກ່າວແມ່ນໄພຂົ່ມຂູ່ຕໍ່ສະຖຽນລະພາບການເມືອງ ແລະ ທໍາລາຍຄວາມເຊື້ອໝັ້ນຂອງມະຫາຊົນທີ່ມີຕໍ່ບົດບາດການນໍາພາຂອງພັກ-ລັດ.

ການຮຽກຮ້ອງເພື່ອຕ້ານບັນຫາດັ່ງກ່າວມີຂຶ້ນໃນໂອກາດໂອ້ລົມຕໍ່ກອງປະຊຸມກວດກາທົ່ວປະເທດປະຈໍາປີ 2016 ເມື່ອບໍ່ດົນນີ້, ໂດຍທ່ານໄດ້ຊີ້ໃຫ້ເຫັນວ່າ: ການສໍ້ລາດບັງຫລວງແມ່ນບັນຫາທີ່ສັງຄົມມີຄວາມເປັນຫວ່ງຫລາຍທີ່ສຸດໃນປັດຈຸບັນ, ມັນໄດ້ແຜ່ລາມກວ້າງຂວາງເຂົ້າໄປໃນຖັນແຖວພະນັກງານທຸກລະດັບ ທີ່ມີລັກສະນະແກ້ໄຂໄດ້ຍາກ ແລະ ທັງເປັນບັນຫາທີ່ບັນດາປະເທດ ລວມເຖິງ ອົງການຈັດຕັ້ງສາກົນຕ່າງໆພວມຕິດຕາມເບິ່ງການຈັດຕັ້ງປະຕິ ບັດຂອງປະເທດເຮົາ, ສະນັ້ນເພື່ອຮັບປະກັນໃຫ້ສະພາບການສໍ້ລາດບັງຫລວງໃນຖັນແຖວພະນັກງານໝົດໄປເທື່ອລະກ້າວ, ຂໍໃຫ້ທຸກການຈັດຕັ້ງພັກ-ລັດ, ອົງການຈັດຕັ້ງມະຫາຊົນ, ພະນັກງານ, ທະຫານ,ຕໍາຫລວດທຸກລະດັບຕ້ອງພ້ອມກັນປະຕິບັດບັນດານິຕິກໍາຕ່າງໆໃນການຕ້ານການສໍ້ລາດບັງຫລວງຢ່າງເຂັ້ມງວດ, ໂດຍສະເພາະຈັດຕັ້ງຜັນຂະຫຍາຍຍຸດທະສາດການຕ້ານສໍ້ລາດບັງຫລວງໃຫ້ເປັນກົນໄກລະບຽບລະອຽດນັບແຕ່ສູນກາງຮອດທ້ອງຖິ່ນ, ເມື່ອພົບເຫັນກໍລະນີມີການສໍ້ລາດບັງຫລວງໃນກະຊວງ-ຂະແໜງການ ແລະ ທ້ອງຖິ່ນໃດແມ່ນໃຫ້ຮີບຮ້ອນແກ້ໄຂ, ທັງນໍາເອົາຜູ້ກະທໍາຜິດມາສຶກສາອົບຮົມ ແລະ ລົງໂທດຕາມລະບຽບກົດໝາຍ. ນອກຈາກນີ້, ແຕ່ລະຂະແໜງການຕ້ອງເອົາໃຈໃສ່ຈັດຕັ້ງການໂຄສະນາເຜີຍ ແຜ່, ເຊື່ອມຊືມນິຕິກໍາຕ່າງໆ ເຊັ່ນ: ກົດໝາຍວ່າດ້ວຍການຕ້ານສໍ້ລາດບັງຫລວງ, ດໍາລັດວ່າດ້ວຍການແຈ້ງຊັບສີນ, ການຂຶ້ນບັນຊີແຈ້ງຊັບສີນ ແລະ ລາຍຮັບຂອງພະນັກງານ-ລັດຖະກອນ ແລະ ລະບຽບການອື່ນໆຢ່າງເປັນປົກກະຕິຕໍ່ເນື່ອງ ເພື່ອເປັນການເຕືອນສະຕິ ແລະ ປູກຈິດສໍານຶກບໍ່ໃຫ້ມີ ການ ສໍ້ລາດບັງຫລວງ, ຮັບປະກັນໃຫ້ສະມາຊິກພັກ-ພະນັກງານທຸກຂັ້ນປອດໃສ ແລະ ເປັນແບບຢ່າງທີ່ດີ.

 

ແຫລ່ງຂ່າວຈາກ: http://laophatthananews.blogspot.com/2017/02/blog-post_95.html
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...