ສຳນັກຂ່າວເອເອຟພີ ລາຍງານຈາກນະຄອນຫຼວງ ທາກາ ປະເທດ ບັງກາລາເທດ ເມື່ອວັນທີ 5 ກຸມພາ ວ່າ ທ່ານ ເອເອຊ ມາມູດ ອາລີ ລັດຖະມົນຕີກະຊວງການຕ່າງປະເທດ ບັງກາລາເທດ ກ່າວຕໍ່ເຈົ້າໜ້າທີ່ການທູດຈາກປະເທດຕ່າງໆ ກວ່າ 60 ຄົນ ແລະ ເຂົ້າໜ້າທີ່ຈາກໜ່ວຍງານຍ່ອຍຂອງສະຫະປະຊາຊາດ (ຢູເອັນ) ເມື່ອວັນອາທິດ ຮຽກຮ້ອງໃຫ້ປະຊາຄົມໂລກ ແລະ ຢູເອັນໃຫ້ຄວາມຊ່ວຍເຫຼືອໃນແຜນການຍ້າຍຜູ້ອົບພະຍົບຊາວໂຣຮິນຈາໃນຄ້າຍຜູ້ລີ້ໄພໄປທີ່ເກາະຮ້າງ ເຊິ່ງໄດ້ອ້າງວ່າຈະເປັນການງ່າຍຕໍ່ການເຂົ້າເຖິງຂອງຄວາມຊ່ວຍເຫຼືອດ້ານມະນຸດສະທຳ
ບັງກາລາເທດມີແນວຄິດຈະຍ້າຍຜູ້ອົບພະຍົບຊາວໂຣຮິນຈາໄປທີ່ເກາະ ເທນກາຣ໌ຊາຣ໌ ໃນອ່າວເບງກໍ ໂດຍໄດ້ມີການຕັ້ງຄະນະທຳງານຂຶ້ນມາ ເມື່ອາທິດທີ່ຜ່ານມາ ເພື່ອດູແລເລື່ອງດັ່ງກ່າວ ການເຄື່ອນຍ້າຍຊາວໂຣຮິນຈາຈະຂຶ້ນຫຼັງການກໍ່ສ້າງໂຄງສ້າງພື້ນຖານທີ່ຈຳເປັນແລ້ວ ເຊິ່ງຮວມເຖິງໂຮງຮຽນ ແລະ ເສັ້ນທາງ. ບັງກາລາເທດໄດ້ຮ້ອງຂໍຄວາມຊ່ວຍ ເຫຼືອໃນການພັດທະນາດັ່ງກ່າວ ແລະ ຢ້ຳວ່າການເຄື່ອນຍ້າຍຊາວໂຣຮິນຈາເປັນພຽງແຜນການບໍລິຫານຊົ່ວຄາວ
ແນວຄິດນີ້ມີຂຶ້ນຕັ້ງແຕ່ປີ 2015 ເຖິງຈະມີຂໍ້ໂຕ້ແຍ້ງວ່າ ເກາະເທນກາຣ໌ຊາຣ໌ ເຊິ່ງມີເນື້ອທີ່ 21,180 ໄຮ່ ມີສະພາບບໍ່ເໝາະສົມແກ່ການຢູ່ອາໃສ ແນວຄິດດັ່ງກ່າວໄດ້ຖືກປະທ້ວງຈາກກຸ່ມຜູ້ນຳຊຸມຊົນຊາວໂຣຮິນຈາ ຂະນະທີ່ ຢູເອັນລະບຸວ່າ ການບັງຄັບເຄື່ອນຍ້າຍຊາວໂຣຮິນຈາຈະເປັນປະເດັນທີ່ຊັນຊ້ອນ ແລະ ເກີດຂໍ້ຖົກຖຽງໃນວົງກ້ວາງ.
ຂ່າວຈາກ: http://www.dailynews.co.th/foreign/553676
ຕິດຕາມຂ່າວເສດຖະກິດລາວ ກົດໄລຄ໌ເລີຍ!