spot_img
Homeຂ່າວພາຍ​ໃນລາວອອກລະບຽບຄຸ້ມຄອງທຸລະກິດຂາຍກົງ

ລາວອອກລະບຽບຄຸ້ມຄອງທຸລະກິດຂາຍກົງ

Published on

ແຫລ່ງຂ່າວສໍານັກຂ່າວສານປະເທດລາວ ໃຫ້ຮູ້ວ່າ: ກະຊວງອຸດສາຫະກໍາ ແລະ ການຄ້າໄດ້ອອກຂໍ້ຕົກລົງສະບັບເລກທີ 0060/ອຄ, ລົງວັນທີ 12 ມັງກອນ 2017 ວ່າດ້ວຍທຸລະກິດຂາຍກົງ ເພື່ອຄຸ້ມຄອງການດຳເນີນທຸລະກິດປະເພດດັ່ງກ່າວໃຫ້ຖືກຕ້ອງຕາມລະບຽບກົດໝາຍ, ພາຍຫລັງເຫັນວ່າທຸລະກິດປະເພດນີ້ໄດ້ມີການເຄື່ອນໄຫວຢ່າງແຜ່ຫລາຍແຕ່ຍັງບໍ່ມີລະບຽບຄຸ້ມຄອງສະເພາະ.

ສະນັ້ນ ເພື່ອຮັບປະກັນການຄຸ້ມຄອງໄປຕາມລະບຽບກົດໝາຍ, ມີຄຸນນະພາບ, ໄດ້ມາດຖານ, ມີຄວາມສະເໝີພາບ, ໂປ່ງໃສ, ແລະ ມີການແຂ່ງຂັນທາງທຸລະກິດຢ່າງເປັນທໍາ ພ້ອມທັງປົກປ້ອງຜູ້ຊົມໃຊ້ ແລະ ຜູ້ຈໍາໜ່າຍ, ກະຊວງອຸດ ສາຫະກຳ ແລະ ການຄ້າ ຈຶ່ງອອກດັ່ງກ່າວ, ຊຶ່ງໄດ້ກໍານົດລະບຽບການ, ຫລັກການ ແລະ ເງື່ອນໄຂ ໃນການດຳເນີນທຸລະກິດຂາຍກົງໃຫ້ເຂົ້າສູ່ລະບົບ ເຊັ່ນ: ການປະກອບເອກະ ສານ, ການພິຈາລະນາອອກອະນຸຍາດ ແລະ ມາດຕະການ ເພື່ອຄຸ້ມຄອງການ ເຄື່ອນໄຫວດຳເນີນທຸລະກິດ. ບຸກຄົນ, ນິຕິບຸກຄົນ ຫລື ການຈັດຕັ້ງທາງທຸລະກິດ ທັງພາຍ ໃນ ແລະ ຕ່າງປະເທດທີ່ສົນໃຈດຳເນີນທຸລະກິດຂາຍກົງສາມາດປະກອບເອກະສານສະເໜີນໍາຂະແໜງອຸດ ສາຫະກຳ ແລະ ການຄ້າ. ໃນນັ້ນລະດັບສູນກາງປະສານນໍາກົມການຄ້າພາຍໃນ, ລະດັບທ້ອງຖິ່ນປະສານນໍາພະແນກອຸດສາຫະ ກຳ ແລະ ການຄ້າແຂວງ ຫລື ນະຄອນຫລວງ.

ສຳລັບຫົວໜ່ວຍທຸລະກິດໃດທີ່ກຳລັງດຳເນີນທຸລະກິດຂາຍກົງ ຫລື ມີກິດຈະການທຸລະກິດດ້ານນີ້ແລ້ວແຕ່ຍັງບໍ່ມີໃບອະນຸຍາດແມ່ນໃຫ້ປະກອບເອກະສານຄືນໃໝ່ໃຫ້ຖືກຕ້ອງຕາມລະບຽບພາຍໃນກຳນົດເວລາ 90 ວັນນັບແຕ່ຂໍ້ຕົກ ລົງນີ້ມີຜົນສັກສິດ.

ຂ່າວ: ສຳນັກຂ່າວສານປະເທດລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...