ສຳນັກຂ່າວຕ່າງປະເທດລາຍງານຈາກເມືອງ ບອສຕັນ ປະເທດສະຫະລັດອາເມລິກາ ເມື່ອວັນທີ 3 ກຸມພາ 2017 ວ່າ ທ່ານ ເຈມສ໌ ໂຣບາຣ ໄອຍະການສານລັດຖະບານກາງສະຫະລັດປະຈຳເມືອງ ຊີແອດເທິລ ໃນລັດວໍຊິງຕັນ ມີຄຳພິພາກສາເມື່ອວັນສຸກ ໃຫ້ລະງັບອຳນາດພິເສດຂອງປະທານາທິບໍດີ ໂດນັລ ທຣັມ ໃນການລະງັບອອກວີຊ່າ ໃຫ້ແກ່ 7 ປະເທດເປັນເວລາ 90 ວັນ ໃຫ້ແກ່ພົນລະເມືອງຈາກ ອິຣັກ, ອິຫລ່ານ, ຊີເຣຍ, ເຢເມນ, ຊູດານ, ໂຊມາເລຍ ເຊິ່ງປະຊາຊົນສ່ວນຫຼາຍເປັນຊາວມຸສລິມ ການລະງັບຖິ່ນຖານຂອງຜູ້ລີ້ໄພຈາກທຸກສັນຊາດເປັນເວລາ 120 ວັນ ແຕ່ຫາກເປັນຊາວຊີເຣຍຈະຖືກປະຕິເສດ “ຢ່າງບໍ່ມີກຳນົດ” ເຊິ່ງເປັນການໃຊ້ອຳນາດເກີນຂອບເຂດຂອງລັດຖະທຳມະນູນ.

ດ້ານ ທ່ານ ໂນອາ ເພີເຊລ ໄອຍະການສູງສຸດລັດວໍຊິງຕັນກ່າວວ່າ ຄຳພິພາກສາຂອງສານລັດຖະບານກາງໃນເມືອງ ຊີແອດເທິລ ມີຜົນບັງຄັບໃຊ້ທົວປະເທດທັນທີ ແລະ ສະແດງຄວາມຫວັງວ່າ ລັດຖະບານກາງໃນນະຄອນ ວໍຊິງຕັນ ຈະປະຕິບັດຕາມຄຳສັ່ງດັ່ງກ່າວຢ່າງເຄັ່ງຄັດ ໂດຍການຕັດສິນຂອງສານມີຂຶ້ນຫຼັງການຍື່ນຄຳຮ້ອງຂອງທາງການລັດ ວໍຊິງຕັນ ທີ່ຕໍ່ມາລັດ ມິນນິໂຊຕາຂໍເຂົ້າຮ່ວມນຳ

ແຫລ່ງຂ່າວຈາກ​: http://www.dailynews.co.th/foreign/553288
ຕິດຕາມຂ່າວເສດຖະກິດລາວ ກົດໄລຄ໌ເລີຍ!