ກົມປູກຝັງ, ກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ການປູກພືດລະດູແລ້ງປີນີ້ ດຳເນີນໄປຢ່າງເປັນຂະບວນຟົດຟື້ນ ແລະ ມາຮອດປັດຈຸບັນ ທົ່ວປະເທດສາມາດປະຕິບັດໄດ້ແລ້ວ ຫຼາຍກວ່າ 103 ພັນເຮັກຕາ, ເທົ່າກັບ 74% ຂອງແຜນການ, ສ່ວນພືດທີ່ນິຍົມປູກຫຼາຍກວ່າໝູ່ ແມ່ນສາລີແຂງ, ພືດຕະກຸນຖົ່ວ ແລະ ພືດອາຍຸສັ້ນຕາມລະດູການ, ຊຶ່ງພົ້ນເດັ່ນກວ່າໝູ່ແມ່ນແຂວງອຸດົມໄຊ, ໄຊຍະບູລີ, ວຽງຈັນ,ນະຄອນຫຼວງວຽງຈັນ, ສະຫວັນນະເຂດ ແລະ ຈຳປາສັກ, ສ່ວນການຜະລິດເຂົ້ານາແຊງມາຮອດປັດຈຸບັນ ທົ່ວປະເທດສາມາດປັກດຳໄດ້ແລ້ວ ຫຼາຍກວ່າ 64 ພັນຮັກຕາ, ເທົ່າກັບ 52 % ຂອງເນື່ອທີ່ແຜນການ 95 ພັນເຮັກຕາ, ທຽບໃສ່ປີຜ່ານມາ ການປັກດຳເຂົ້ານາແຊງປີນີ້ ແມ່ນຍັງຢູ່ໃນເກນປົກກະຕິ ແລະ ຄາດວ່າການປັກດຳຈະສຳເລັດ ໃນຕົ້ນເດືອນມີນາທີ່ຈະມາເຖິງນີ້, ສ່ວນຂະແໜງກະສິກຳ ກໍໄດ້ນຳສົ່ງພະນັກງານວິຊາການຂອງຕົນລົງຊຸກຍູ້ສົ່ງເສີມ ການນຳໃຊ້ເຕັກນິກວິທະຍາການ ໃຫ້ກະສິກອນແຕ່ລະທ້ອງຖິ່ນ ເພື່ອຍົກສະມັດຕະພາບການຜະລິດ ໃຫ້ໄດ້ຕາມຄາດໝາຍແຜນການວາງໄວ້.

ກົມດັ່ງກ່າວໃຫ້ຮູ້ອີກວ່າ: ປັດຈຸບັນມີກະສິກອນບາງເຂດ ໄດ້ຫັນຈາກການປູກເຂົ້າ ໄປປູກພືດລົ້ມລຸກທີ່ຕະຫຼາດຕ້ອງການ ແລະ ເຫັນວ່າສາມາດສ້າງລາຍຮັບໃຫ້ເຂົາເຈົ້າໄດ້ເປັນຢ່າງດີ.

ແຫລ່ງຂ່າວ:

ຕິດຕາມເຮົາທາງFacebook ກົດຖືກໃຈເລີຍ!