ບີບີຊີ ສື່ອັງກິດລາຍງານ ເມື່ອວັນທີ 31 ມັງກອນ 2017 ວ່າ ລັດຖະບານ ອັອສເຕເລຍຕ້ອງການປະກາດຫ້າມການໃສ່ຜ້າຄຸມຫົວແບບປິດບັງໃບໜ້າທັງໝົດຂອງແມ່ຍິງ ມຸສລິມ ໃນສະຖານທີ່ສາທາລະນະ ເປັນຕົ້ນ ໂຮງຮຽນ ຫຼື ສານ ເພາະເປັນສິ່ງທີ່ຜິດກົດໝາຍ ແລະ ແນວຄິດນີ້ຈະລວມໄປເຖິງການປະກາດໃຫ້ພະນັກງານລັດຫ້າມບໍ່ໃຫ້ໃສ່ຜ້າຄຸມຫົວ ຫຼື ສັນຍາລັກທາງສາສະໜາອື່ນໆ
ສື່ອັງກິດຊີ້ວ່າ ມາດຕະການທີ່ອອກມານີ້ຖືກເບິ່ງວ່າເປັນຄວາມພະຍາຍາມໃນການຕອບໂຕ້ຄວາມນິຍົມຂອງພັກຂວາ ຈັດ Austria ຟຣີດອມປາຣຕີ້ ເຊິ່ງຕົວແທນຜູ້ສະໝັກຈາກພັກນີ້ເສຍໄຊໄປແບບວຸດວິດໃນການເລືອກຕັ້ງປະທານາ ທິບໍດີ ອັອສເຕເລຍ ໃນເດືອນທີ່ຜ່ານມາ ແລະ ພົບວ່າ ພັກປະສົມກາງ ອັອສເຕເລຍ ເກືອບຈະປິດຕົວລົງໃນອາທິດທີ່ຜ່ານມາ ທ່າມກາງວິກິດການເຈລະຈາເຖິງທິດທາງຂອງລັດຖະບານ ອັອສເຕເລຍໃນອານາຄົດ
ທັງນີ້ ໃນລາຍລະອຽດແຜນຂອງການປະຕິຮູບ ພົບວ່າ ພັກລັດຖະບານປະສົມໄດ້ກ່າວເຖິງການຍົກເລີກໃຫ້ໃຊ້ຜ້າຄຸມຫົວໃນສາສະໜາອິສລາມ 2 ແບບຄື: ນິຂາບ (niqab) ແລະ ບູຣຄາ (burqa) ໂດຍໃນຖະແຫຼງການກ່າວວ່າ “ພວກເຮົາມີພັນທະຕໍ່ສັງຄົມແບບເປີດ ເຊິ່ງນັ້ນໝາຍຄວາມວ່າ ເຮົາໃຫ້ການສະໜັບສະໜູນການສື່ສານແບບເປີດນຳ ແຕ່ວ່າຜ້າຄຸມຫົວແບບປົກປິດທັງໃບໜ້າໃນທີ່ສາທາລະນະເປັນສິ່ງກີດຂວາງການເປີດກວ້າງ ດັ່ງນັ້ນທາງເຮົາຈິ່ງຈຳເປັນຕ້ອງປະກາດຫ້າມການສວມໃສ່”
ເຖິງຢ່າງໃດກໍ່ຕາມ ຈາກຄຳສັ່ງນີ້ ທາງເຈົ້າໜ້າທີ່ກະຊວງການທ່ອງທ່ຽວອັອສເຕເລຍ ກັງວົນວ່າ ອາດຈະສົ່ງຜົນກະທົບໄປເຖິງນັກທ່ອງທ່ຽວທີ່ມາຈາກທາງຕະເວັນອອກກາງພ້ອມ.
ຂ່າວຈາກ: http://www.manager.co.th/Around/ViewNews.aspx?NewsID=9600000010636
ຕິດຕາມຂ່າວເສດຖະກິດລາວ ກົດໄລຄ໌ເລີຍ!