ສຳນັກຂ່າວຕ່າງປະເທດລາຍງານຈາກ ນະຄອນຫຼວງ ເຕຫະຣານ ປະເທດ ອິຫລ່ານ ເມື່ອວັນທີ 29 ມັງກອນ 2017 ວ່າ. ກະຊວງການຕ່າງປະເທດຂອງ ອິຫລ່ານ ອອກຖະແຫຼງການເມື່ອວັນເສົາທີ່ຜ່ານມາ ປະນາມການກີດກັ້ນດ້ານ ວິຊ່າຂອງປະທານາທິບໍດີ ໂດນັລ ທຣັມ ຜູ້ນຳສະຫະລັດ ວ່າ “ຜິດກົດໝາຍ ບໍ່ມີເຫດຜົນ ແລະ ເປັນການລະເມີດບັນທັດຖານໃນລະດັບສາກົນ” ແນ່ນອນວ່າ ລັດຖະບານເຕຫະຣານມີຄວາມເຄົາລົບຕໍ່ເສລີພາບຂອງພົນລະເມືອງອາເມລິກາ ແຕ່ນະໂຍບາຍອັນແຂງກະດ້າງດັ່ງກ່າວຂອງລັດຖະບານ ວໍຊິງຕັນ ສົ່ງຜົນໃຫ້ ອິຫລ່ານ ຈຳເປັນຕ້ອງໃຊ້ນະໂນບາຍຕອບສະໜອງ “ໃນລະດັບດຽວກັນ” ຈົນກວ່າສະຫະລັດຈະຍົກເລີກມາດຕະການຄຸກຄາມດ້ານສິດທິຕໍ່ຊາວ ອິຫລ່ານ ໂດຍຈະມີການປະກາດມາດຕະການຢ່າງເປັນທາງການໃນອານາຄົດອັນໃກ້ນີ້.
ນອກຈາກນີ້ ກະຊວງການຕ່າງປະເທດຂອງ ອິຫລ່ານ ໄດ້ສັ່ງການໃຫ້ສະຖານເອກອັກຄະຣາຊາທູດ ແລະ ສະຖານກົງສຸນທຸກແຫ່ງໃນສະຫະລັດມອບຄວາມຊ່ວຍເຫຼືອຢ່າງເຕັມທີ່ໃຫ້ແກ່ພົນລະເມືອງຂອງ ອິຫລ່ານ ຫາກບໍ່ສາມາດເດີນທາງກັບເຂົ້າໄປໃນສະຫະລັດເຊິ່ງເປັນສະຖານທີ່ອາໃສ ແລະ ສະຖານທີ່ສຶກສາຂອງນັກສຶກສາ ຫຼື ສະຖານທີ່ເຮັດວຽກໄດ້.
ແຫລ່ງຂ່າວຈາກ: http://www.dailynews.co.th
ຕິດຕາມຂ່າວເສດຖະກິດລາວ ກົດໄລຄ໌ເລີຍ!