ສຳນັກຂ່າວຕ່າງປະເທດລາຍງານຈາກນະຄອນຫຼວງ ຢ່າງກຸ້ງ ປະເທດ ມຽນມາ ເມື່ອວັນທີ 29 ມັງກອນ ວ່າ. ກະຊວງ ປະຊາສຳພັນຂອງມຽນມາເປີດເຜີຍໃນຄລິບວິດີໂອທີ່ເຜີຍແຜ່ຜ່ານທາງສະຖານີໂທລະພາບ ເອັມອາຣທີວີ ວ່າ.
ຕາມລາຍງານລະບຸວ່າ ທ່ານ ໂຄ ນິ ໄວອາຍຸ 63 ປີ, ທີ່ປຶກສາຝ່າຍກົດໝາຍຂອງພັກລັດຖະບານ ພັກສັນນິບານແຫ່ງຊາດເພື່ອປະຊາທິປະໄຕ (ເອັນແອລດີ) ຂອງມຽນມາ ທີ່ມີທ່ານ ນາງ ອອງຊານ ຊູຈີ ເປັນຫົວໜ້າພັກ, ຖືກມືປືນບຸກດ່ຽວເຂົ້າມາຈໍ່ຍິງທີ່ຫົວໃນໄລຍະໃກ້ ໃນຂະນະທີ່ທ່ານ ໂທ ນີ ກຳລັງຍ່າງອອກຈາກສະໜາມບິນ ຢ່າງກຸ້ງ ເມື່ອເວລາ 4.30 ນາທີ ຂອງວັນອາທິດ ທີ່ຜ່ານມາ ຫຼັງເດີນທາງກັບມາຈາກການໄປເຂົ້າຮ່ວມປະຊຸມເຈົ້າໜ້າທີ່ລະດັບສູງທີ່ ນະຄອນ ຫຼວງ ຈາກາຣ໌ຕາ ປະເທດ ອິນໂດເນເຊຍ ສົ່ງຜົນໃຫ້ ທ່ານ ໂທ ນີ້ ເສຍຊີວິດທັນທີ
ເຈົ້າໜ້າທີ່ຕຳຫຼວດສາມາດຈັບກຸມຕົວຄົນຮ້າຍໄດ້ 1 ຄົນ ຊື່ ທ້າວ ຈື ລິນ ໄວອາຍຸ 53 ປີ, ມາຈາກເມືອງ ມັດທະເລຍ ຜູ້ເປັນມືປືນບຸກດ່ຽວເຂົ້າໄປຍິງຫົວຂອງ ທ່ານ ໂທ ນີ ແລະ ໃນລະຫວ່າງການຈັບກຸມຄົນຮ້າຍນັ້ນກໍ່ໄດ້ເຮັດໃຫ້ ທ້າວ ເນວິນ ຄົນຂັບລົດ ແທັກຊີ ໄວອາຍຸ 42 ປີ ເສຍຊີວິດອີກ 1 ຄົນ, ສ່ວນສາເຫດການກໍ່ເຫດໃນຄັ້ງນີ້ຍັງບໍ່ຮູ້ສາເຫດທີ່ຊັດເຈນ ຍັງຢູ່ໃນຂະບວນການສອບສວນ-ສືບສວນຂອງເຈົ້າໜ້າທີ່.
ຕໍ່ມາເມື່ອວັນທີ 30 ມັງກອນ 2017 ມີປະຊາຊົນຊາວມຽນມານັບແສນຄົນໄປຮ່ວມຕົວກັນທີ່ເຮືອນຂອງ ທ່ານ ໂຄນີ ເມື່ອຮ່ວມພິທີໄວ້ອາໄລ ໃຫ້ແກ່ທ່ານ ໂທ ນີ ທະນາຍຄວາມຊາວ ມຸສລິມທີ່ຖືກຍິງເສຍຊີວິດ
ແຫລ່ງຂ່າວຈາກ: http://www.matichon.co.th/news/445257, http://www.dailynews.co.th
ຕິດຕາມຂ່າວເສດຖະກິດລາວ ກົດໄລຄ໌ເລີຍ!