ບັນເທີງດາລາ ກັບ ລາວໂພສຕ໌ ມື້ນີ້ແອັດມິນຈະພາທຸກຄົນມາອັບເດດຂ່າວດາລາ ສາວເຈົ້າສະເໜ່ແຫ່ງວົງການບັນເທີງຂອງສອງຝັ່ງແມ່ນ້ຳຂອງ ຈະເປັນໃຜໄປບໍ່ໄດ້ ນອກຈາກສາວຄົນນີ້ “ຫລິງຫລິງ ປິຍາດາ” ທີ່ທຸກຄົນຮູ້ຈັກກັນດີ ກັບຄວາມງາມ ແລະ ຄວາມສາມາດຂອງນາງ ແລະ ຕອນນີ້ຊີວິດຂອງນາງໃນເສັ້ນທາງບັນເທີງກໍ່ດີ໊ດີ ແບບວ່າສຸດໆ ໄປເລີຍ
ຫຼັງຈາກທີ່ໄປສ່ອງ IG ສ່ວນຕົວຂອງນາງກໍ່ເຫັນຂ່າວຄາວການເຄື່ອນໄຫວຂອງນາງ ແອັດເຖິງກັບ ອຸທານ “ໂອ້ພະສົງ” ຊ່າງເປັນຂ່າວດີອີຫຍັງປານນີ້ ເພາະປັດຈຸບັນ ຫຼິງຫຼິງດັງໄກເຖິງເມືອງນອກແລ້ວ ເພາະປັດຈຸບັນ ນາງໄດ້ໄປ ຮ່ວມງານ Fashion Show ເປີດຕົວເສື້ອຜ້າແບຣນດັງລະດັບໂລກຢ່າງ Ralph & Russo ໃນຄໍເລັກຊັ່ນໃໝ່ 2017 ທີ່ ນະຄອນຫຼວງ ປາຣີສ ປະເທດ ຝຣັ່ງ ນີ້ຖືວ່າເປັນດາລາສາວ ສັນຊາດລາວ ຄົນທຳອິດທີ່ມີໂອກາດໄປຮ່ວມງານດັງ Fashion ລະດັບໂລກຂະໜາດນັ້ນ ຖືວ່ານາງເປັນອີກໜຶ່ງຄົນທີ່ມີອານາຄົດໄກໃນເສັ້ນທາງສາຍນີ້
ບໍ່ວ່າຈະເປັນຊຸດ, ເຄື່ອງປະດັບ, ກະເປົາ, ເກີບ Everything ຂອງນາງລ້ວນມາຈາກແບຣນຫຼູຢ່າງ Dior ຕ້ອງບອກເລີຍວ່າ ແບຣນນີ້ ມີແຕ່ບຸກຄົນເລີດຫຼູໄຮໂຊ ຫຼື ດັງລະດັບຕົວແມ່ຂອງແທ້ເທົ່ານັ້ນ ຈິ່ງໄດ້ໃສ່. ອື໋!…ເຫັນແລ້ວແອັດມິນພໍຢາກເຂົ້າໄປສິງໃນຕົວນາງເຫຼືອເກີນ.
ຮູບພາບຈາກ: IG: lingpiyadar
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!