ສຳນັກຂ່າວ ເອເອຟພີ ແລະ ຣອຍເຕີລາຍງານ ວ່າ ເກີດເຫດຕຶກສູງທີ່ເກົ່າແກ່ທີ່ສຸດຂອງອິຣານ ພັງຖະລົ່ມລົງມາ ເມື່ອວັນທີ 19 ມັງກອນ 2017 ຫຼັງເກີດເຫດໄຟໄໝ້ຂຶ້ນໃນເວລາ 8:00 ໂມງເຊົ້າຕາມເວລາທ້ອງຖິ່ນ ແລະ ມີເຈົ້າໜ້າທີ່ດັບເພີງຕິດຢູ່ໃນຕຶກອາຄານເປັນຈຳນວນຫຼາຍ
ລາຍງານລະບຸວ່າ ຕຶກເກົ່າແກ່ແຫ່ງນີ້ຄື ຕຶກ ປລາສໂກ ສູງ 17 ຊັ້ນ ມີອາຍຸເກົ່າແກ່ກວ່າ 50 ປີ ຕັ້ງຢູ່ເຂດຊຸມຊົນຂອງນະຄອນຫຼວງ ເຕຫະຣານ ເຊິ່ງໄດ້ເກີດເຫດໄຟໄໝ້ ແລະ ໄດ້ມີການອົບພະຍົບຜູ້ຄົນອອກຈາກອາຄານ ພ້ອມທັງການມີການສົ່ງເຈົ້າໜ້າທີ່ດັບເພີງເຂົ້າໄປຊ່ວຍດັບໄຟປະມານ 200 ຄົນ ພາຍໃນຕຶກບໍ່ມີການຕິດຕັ້ງລະບົບດັບເພີງເຮັດໃຫ້ເກີດເຫດໄຟໄໝ້ແຜ່ລາມຮຸນແຮງ ແລະ ຍາກທີ່ຈະຄວບຄຸມໄດ້ ກ່ອນທີ່ຕຶກດັ່ງກ່າວຈະຖະລົ່ມລົງມາ.
ທາງດ້ານສື່ທ້ອງຖິ່ນ ແລະ ເວັບໄຊ ເຕກະຣານໄທມສ໌ ລາຍງານວ່າ ເຫດການເພີງໄໝ້ດັ່ງກ່າວໄດ້ເຮັດໃຫ້ນັກດັບເພີງເສຍຊີວິດ 30 ຄົນ ແລະ ຄາດວ່າຈະມີຈຳນວນຜູ້ເສຍຊີວິດເພີ່ມຂຶ້ນອີກ ເນື່ອງຈາກເຊື່ອວ່າຜູ້ທີ່ຕິດຢູ່ພາຍໃນອາຄານທີ່ພັງລົງມາມີຫຼາຍກວ່າ ຮ້ອຍຄົນ ໂດຍຕອນນີ້ມີລາຍງານຄົນໄດ້ຮັບບາດເຈັບທີ່ຖືກສົ່ງຕົວໄປຮັກສາທີ່ໂຮງໝໍແລ້ວ 37 ຄົນ
https://youtu.be/KvvCt5cAZdU
ແຫລ່ງຂ່າວຈາກ: http://www.matichon.co.th/news/433475
ຕິດຕາມຂ່າວເສດຖະກິດລາວ ກົດໄລຄ໌ເລີຍ!