spot_img
Homeຂ່າວເຫດການປະທານາທິບໍດີ ສິງກະໂປ ເດີນທາງຮອດ ສປປລາວ ແລ້ວ

ປະທານາທິບໍດີ ສິງກະໂປ ເດີນທາງຮອດ ສປປລາວ ແລ້ວ

Published on

​ໂດຍ​ຕອບ​ສະໜອງ ຕາມ​ຄຳ​ເຊີນ​ຂອງ​ ພະນະ​ທ່ານ ບຸນ​ຍັງ ວໍລະ​ຈິດ ປະທານ​ປະ​ເທດ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ, ພະນະ​ ທ່ານ ດຣ. ​ໂທ​ນີ ທານ ​ເກັງ ຢຳ ປະທານາທິບໍດີ ​ແຫ່ງ ສາທາລະນະ​ລັດ ສິງກະ​ໂປ ພ້ອມດ້ວຍ​ຄະນະ ​ໄດ້​ເດີນທາງ​ເຖິງ​ ນະຄອນຫລວງ​ວຽງຈັນ ​ໃນ​ຕອນ​ຄ່ຳ​ຂອງ​ວັນ​ທີ 11 ມັງກອນ 2017 ​​ເຊິ່ງ​ເປັນ​​ການ​ຢ້ຽມຢາມ ​ທາງ​ລັດຖະກິດ ຢູ່ ສປປ ລາວ ​ແຕ່​ວັນ​ທີ 11-14 ມັງກອນ 2017 ​​ໂດຍ​ໃຫ້​ກຽດຕ້ອນຮັບ ​ຂອງ ​ທ່ານ ຮສ.ດຣ. ບຸນ​ກອງ ສີ​ຫາ​ວົງ ລັດຖະມົນຕີ​ ກະຊວງ​ສາທາລະນະ​ສຸກ (ລັດຖະມົນຕີ​ກຽດຕິ​ຍົດ), ພ້ອມ​ດ້ວຍ​ການ​ນຳ ​ແລະ ພະນັກງານ​ສະຖານທູດ​ສິງ​ປະ​ໂປ ​ປະຈຳ​ລາວ ຈຳນວນໜຶ່ງທີ່​ສະໜາມ​ບິນ​ວັດ​ໄຕ.

ການ​ຢ້ຽມຢາມ​​ຄັ້ງ​ນີ້ ຈະ​ມີ​ພິທີການ​ຕ້ອນຮັບ ​ຢ່າງ​ເປັນ​ທາງ​ການ ​ແລະ ການ​ພົບ​ປະ​ສອງ​ຝ່າຍ ທີ່​ນະຄອນຫລວງ​ວຽງ​ຈັນ ນອກ​ນີ້ ຄະນະ ຜູ້ແທນຍັງຈະ​​ເດີນທາງ​ຢ້ຽມຢາມ ​ສະຖານ​ທີ່​ສຳຄັນ​ຕ່າງໆ ຢູ່ ສປປ ລາວ ອີກດ້ວຍ ​ເຊິ່ງ​ເປັນ​ການປະກອບສ່ວນເພີ່ມທະວີ ແລະ ສົ່ງເສີມສາຍພົວພັນມິດຕະພາບ ອັນເປັນມູນເຊື້ອ ທີ່ມີມາແຕ່ດົນນານ ລະຫວ່າງ ປະຊາຊົນສອງຊາດ, ການຮ່ວມມືອັນດີງາມ ແລະ ການໄວ້ເນື້ອເຊື່ອໃຈ ເຊິ່ງກັນ ແລະ ກັນລະຫວ່າງ ສປປ ລາວ ແລະ ສ ສິງກະໂປ ໃຫ້ແໜ້ນແຟ້ນຍິ່ງໆຂຶ້ນ

ຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...