ໃນຄໍລຳ ຄວາມງາມ ມື້ນີ້ແອັດມິນຈະມາເອົາໃຈສາວໆທີ່ມັກນອນເດິກ ແຕ່ຢາກໃຫ້ຕື່ນຂຶ້ນມາແລ້ວຍັງມີຜິວໜ້າທີ່ສົດຊື່ນ ເປັ່ງປັ່ງມີອໍຣາ ບໍ່ແຫ່ວໂສມປານຄົນອົດນອນ ຖ້າສາວໆຄົນໃດຕ້ອງການແບບນີ້ ຕ້ອງມາອ່ານທາງນີ້ດ່ວນ ເພາະມື້ນີ້ແອັດມິນ ມີເຄັດລັບໜ້າສົດຊື່ນຫຼັງຕື່ນນອນ (ເຖິງຈະນອນເດິກພຽງໃດຕື່ນມາໜ້າຍັງງາມ) ມາຝາກ ແຕ່ຈະເຮັດແນວໃດນັ້ນເຮົາມາອ່ານນຳກັນເລີຍ
- ກ່ອນນອນເຖິງວ່າຈະເດິກ ແລະ ທ່ານຈະຢາກນອນພຽງໃດກໍ່ຕາມທ່ານກໍ່ຕ້ອງລ້າງໜ້າໃຫ້ສະອາດກ່ອນນອນທຸກຄັ້ງ
- ຫຼັງຈາກລ້າງໜ້າໃຫ້ສະອາດແລ້ວ ກໍ່ຕ້ອງເພີ່ມຄວາມຊຸ່ມຊື່ນໃຫ້ກັບໃບໜ້າກ່ອນຄືການທາຄຣີມບຳລຸງໜ້າທີ່ທ່ານໃຊ້ເປັນປະຈຳນັ້ນແຫລະ ທາຫຼັງລ້າງໜ້ອາກ່ອນນອນທຸກວັນ ເມື່ອຕື່ນຂຶ້ນມາໜ້າຂອງທ່ານກໍ່ຍັງສົດຊື່ນຄືເກົ່າ
- ເວລານອນໃຫ້ນອນຫງາຍ ເພາະການນອນງາຍນັ້ນຈະເຮັດໃຫ້ໜ້າບໍ່ແຫ່ວບໍ່ເປັນຮອຍ ຄືກັບການນອນຕະແຄງ
- ຫຼັງຈາກຕື່ນນອນແລ້ວໃຫ້ທ່ານນວດໜ້າເບົາໆ ເພື່ອຫຼຸດຄວາມບວມຂອງໃບໜ້າ
- ເວລາລ້າງໜ້າຕອນເຊົ້າຫຼັງຕື່ນນອນໃຫ້ໃຊ້ນ້ຳເຢັນ ແລະ ນ້ຳອຸ່ນລ້າງໜ້າສະລັບກັນ ເພາະມັນຈະຊ່ວຍໃຫ້ການໄຫລວຽນຂອງເລືອດທີ່ຢູ່ບໍລິເວນໜ້າໄຫລວຽນໄດ້ສະດວກຂຶ້ນ ແລະ ເຮັດໃຫ້ຜິວໜ້າເຮົາສົດຊື່ນເຕັ່ງຕຶງອີກດ້ວຍ
ເຄັດລັບກໍ່ມີພຽງງ່າຍໆເທົ່ານີ້ ສາວໆຄົນໃດທີ່ຢາກເບິ່ງງາມຕັ້ງແຕ່ຕອນຕື່ນນອນຄວນນຳເອົາວິທີ ທີ່ກ່າວມາຂ້າງເທິງນີ້ໄປໃສ້ລອງເບິ່ງເດີ້
ຕິດຕາມນານາສາລະ ກົດໄລຄ໌ເລີຍ!