ສຳນັກຂ່າວຕ່າງປະເທດ ລາຍງານເມື່ອວັນທີ 9 ມັງກອນ 2017 ຜ່ານມາວ່າ ສະພາບອາກາດໜາວຫຼາຍ ອຸນຫະພູມຕໍ່າສຸດ -21 ອົງສາ ຈົນເປັນສາເຫດເຮັດໃຫ້ມີຜູ້ເສຍຊີວິດໃນໂປແລນແລ້ວ 12 ຄົນ, ນັບຕັ້ງແຕ່ເລີ່ມເຂົ້າປີ 2017 ເຊິ່ງທາງຕຳຫຼວດບອກວ່າ ມີຫຼາຍຄົນທີ່ເສຍຊີວິດຈາກອຸປະຕິເຫດເທິງຖະໜົນ ເຊິ່ງມີສາເຫດມາຈາກຫິມະທີ່ຕົກລົງມາຢ່າງແຮງ, ເຊິ່ງມີລາຍງານວ່າເກີດອຸປະຕິເຫດຂຶ້ນ 21 ຄັ້ງ ໃນຊ່ວງເວລາພຽງແຕ່ 24 ຊົ່ວໂມງ ເຮັດໃຫ້ມີຜູ້ເສຍຊີວິດ 4 ຄົນ ແລະບາດເຈັບອີກ 27 ຄົນ, ນອກຈາກນີ້ ກຸ່ມທີ່ສ່ຽງຕໍ່ການເສຍຊີວິດຄື ກຸ່ມຄົນທີ່ບໍ່ມີເຮືອນຢູ່ ເຊິ່ງບາງຄົນຖືກພົບເຫັນເສຍຊີວິດ ໃນສະພາບນອນຢູ່ເທິງພື້ນດິນ ສົ່ງຜົນໃຫ້ຕຳຫຼວດຕ້ອງກວດຕະເວນຈຸດຕ່າງໆ ເພື່ອໃຫ້ຄຳແນະນຳ ແລະຊ່ວຍເຫຼືອໃນເວລາຈຳເປັນ
