ຖືວ່າເປັນການເປີດປະຫວັດສາດໜ້າໃໝ່ໃນວົງການບານເຕະລາວ ທີ່ ທີມສະໂມສອນ ລ້ານຊ້າງ ຢູໄນເຕັດ ແຊັ້ມລາຍການລາວພຣີເມຍລີກ 2016 ທີ່ສາມາດເຮັດຜົນງານດີໃນລາຍການ Toyota Mekong Club Championship 2016 ໂດຍການຄວ້າຕຳແໜ່ງຮອງແຊັ້ມມາຄອງ ເຊິ່ງໄດ້ຮັບເງິນ 50.000 $ ເຖິງການແຂ່ງຂັນໃນຄັ້ງນີ້ ທີມລ້ານຊ້າງ ຈະສ້າງຜົນງານໄດ້ພຽງການເປັນຮອງແຊັ້ມມາຕ້ອນພີ່ນ້ອງຊາວລາວ ແຕ່ກໍ່ຖືວ່າສ້າງຜົນງານໄດ້ເກີນຄາດໝາຍທີ່ວາງໄວ້ຫຼາຍ

ນອກຈາກນັ້ນ ສຸກທະວີ ສູນດາລາ ໝາຍເລກ 13 ນັກເຕະຈາກທີມສະໂມສອນ ລ້ານຊ້າງ ຢູໄນເຕັດ ລາງວັນນັກເຕະດີເດັນປະຈຳລະດູການ Toyota Mekong Club Championship 2016 ໄດ້ຮັບເງິນລາງວັນ 3,000$

ແລະ ໃນຄ່ຳຄືນຂອງວັນທີ 9 ມັງກອນ 2017 ທັບນັກກິລາທີມຊ້າງສານ ພ້ອມທີມງານທັງໝົດກໍ່ໄດ້ເດີນທາງມາຮອດສະໜາມບິນ ສາກົນວັດໄຕ ຢ່າງປອດໄພ ແລະ ໄດ້ຮັບການຕ້ອນຮັບຢ່າງອົບອຸ່ນຈາກແຟນບານທີ່ມາຖ້າຕ້ອນຮັບການກັບມາຂອງພວກເຂົາທີ່ສະໜາມບິນ

ລາຍລະອຽດການແຂ່ງຂັນ

ທີມສະໂມສອນ ລ້ານຊ້າງ ຢູໄນເຕັດ ລົງສະໜາມເຕະ 4 ນັດ ໃນ 4ປະເທດ ໃນເວລາພຽງ 13 ວັນ ທັງການເດີນທາງ ທັງການແຂ່ງຂັນ ທັງການຝຶກຊ້ອມ ກຽມທີມ ວາງແຜນທຸກຢ່າງ ລວມຈາກການແຂ່ງຂັນໃນຄັ້ງນີ້ມີ 5 ນັດ ທັງຫມົດ
ຊະນະ 3 ນັດ, ສະເຫມີ 1 ແລະ ເສຍ 1

#ຮອບທຳອິດ
– ວັນທີ 05/11/2016 ລ້ານຊ້າງ ຢູໄນເຕັດ ຊະນະ ເອັສເຮັສບີ ດານັງ 2-1.
– ວັນທີ 27/11/2016 ຢາດານາບອນ ສະເຫມີ ລ້ານຊ້າງ ຢູໄນເຕັດ 3-3
#ຮອບຮອງຊະນະເລີດ
– ວັນທີ 31/12/2016 ບຶງເກດ ອັງກໍ ເສຍໃຫ້ ລ້ານຊ້າງ ຢູໄນເຕັດ 0-3
#ຮອບຊີງຊະນະເລີດນັດທີ1
– ວັນທີ 04/01/2016 ລ້ານຊ້າງ ຢູໄນເຕັດ ຊະນະ ບູຣິຣຳ ຢູໄນເຕັດ 1-0
#ຮອບຊີງຊະນະເລີດນັດທີ2
– ວັນທີ 08/01/2016 ບູຣິຣຳ ຢູໄນເຕັດ ຊະນະ ລ້ານຊ້າງ ຢູໄນເຕັດ 2-0
ຂະນະທີ່ ລາງວັນນັກເຕະດີເດັ່ນໃນລາຍການນີ້ຕົກເປັນຂອງ ສຸກທະວີ ສູນດາລາ ນັກຮັບ ສະໂມສອນ ລ້ານຊ້າງ ຢູໄນເຕັດ ໄດ້ຮັບເງິນ 3000 $

ເນື້ອໃນຂາວຈາກ: TOYOTAMekongClubChampionship2016

ຮູບພາບຈາກ: LANEXANG UNITED

ຕິດຕາມຂ່າວເສດຖະກິດລາວ ກົດໄລຄ໌ເລີຍ!