ທ່ອງທ່ຽວກັບລາວໂພສຕ໌ ວັນນີ້ເຮົາຈະພາທຸກຄົນມາຮູ້ຈັກກັບ ສະຖານທີ່ທ່ຽວແຫ່ງໃໝ່ໃນດິນແດນກາເຟຊື່ດັງຂອງເມືອງລາວ ເຊິ່ງຫາກໍ່ເປີດໃຫ້ບໍລິການວ່າຕົ້ນເດືອນນີ້ ຖືວ່າຍັງໃໝ່ໆສົດໆຮ້ອນໆຢູ່ ແຕ່ກໍ່ໄດ້ຮັບຄວາມນິຍົມຈາກຜູ້ຄົນເປັນຈຳນວນ

ຖ້າໃຜໄດ້ມາທາງສວນປາກຊອງ ຢ່າລືມມາແວ່ ສວນມົນຕາຈຳປາລາວ ສວນອຸທະຍານດອກໄມ້ຫຼາກສີທີ່ໃຫຍ່ທີ່ສຸດໃນປະເທດລາວ, ໝາກສະຕໍເບີຣີຫອມຫວານ ແລະ ສວນຜັກປອດສານຜິດ

ສວນມົນຕາຈຳປາລາວ ຕັ້ງຢູ່ທີ່ບ້ານຫຼັກ11 ເມືອງປາກຊອງ ແຂວງຈຳປາສັກ ການເດີນທາງມາສະດວກສະບາຍ ເມື່ອທ່ານມາຮອດ ທ່ານກໍ່ຈະໄດ້ພົບກັບສວນດອກໄມ້ທີ່ສວຍງາມຂະໜາດໃຫຍ່ຈົນສຸດສາຍຕາ ແລະ ນອກຈາກຈະມີດອກໄມ້ງາມແລ້ວ ທ່ານຍັງຈະໄດ້ເກັບໝາກສະຕໍເບີຣີ ສົດໆຈາກຕົ້ນມາກິນອີກຕາງຫາກ ???

ສຳລັບຄູ່ທີ່ແຕ່ງງານໃໝ່ ຫຼື ຄູ່ທີ່ຮັກກັນມາດົນແລ້ວ ຢາກມາເພີ່ມຄວາມຫວານໃຫ້ກັບຊີວິດຄູ່ ແມ່ນເໝາະສົມທີ່ສຸດ ເພາະວິວທິວທັດຂອງສະຖານທີ່ແຫ່ງນີ້ ເມື່ອຕອນເຊົ້າກ່ອນຕະເວັນຂຶ້ນ ແລະ ຕອນເວັນກ່ອນຕະເວັນລັບຂອງຟ້າ ຈະມີບັນຍາກາດໂຣແມນຕິກແບບສຸດໆ ແຕ່ສຳລັບຄົນທີ່ຕ້ອງການມາທ່ຽວແບບຄອບຄົວກໍ່ເໝາະສົມເຊັ່ນດຽວກັນ ເພາະບ່ອນນີ້ມີສະຖານທີ່ພັກແບບສະອາດ, ສະດວກສະບາຍ ໄວ້ໃຫ້ຜັກຜ່ອນ

ຮູບພາບຈາກ: ສວນມົນຕາຈຳປາລາວ
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!