ສຳນັກຂ່າວ ຊີເອັນເອັນ ລາຍງານເມື່ອວັນທີ 3 ມັງກອນ 2017 ຜ່ານມານີ້ວ່າ ປະເທດຈີນ ໄດ້ປະກາດເຕືອນສະຖານະການ ຝຸ່ນຄວັນ ໃນລະດັບສີແດງ ເຊິ່ງເປັນລະດັບສູງສຸດ, ເຊິ່ງໃນຕອນນີ້ ປະເທດຈີນ ໄດ້ປະກາດເຕືອນໄພສະຖານະການໝອກປົກຄຸມໜາໃນລະດັບສີແດງ
ຫໍສັງເກດການແຫ່ງຊາດຂອງຈີນ ໄດ້ແຈ້ງເຕືອນເມື່ອວັນອັງຄານ ວັນທີ 3 ມັງກອນ 2016 ຜ່ານມາ ເຖິງລະດັບຂອງໝອກທີ່ປົກຄຸມໜາໃນພາກເໜືອ ແລະພາກຕາເວັນອອກຂອງປະເທດ ຄວບຄຸມພື້ນທີ່ກວ່າ 24 ເມືອງ ໝອກປົກຄຸມໜາຮອດຍອດຕຶກສູງ ເຮັດໃຫ້ທັດສະນະໃນການເບິ່ງເຫັນບໍ່ແຈ້ງ
ເຊິ່ງໃນຕອນເຊົ້າຂອງ ວັນພຸດ ວັນທີ 4 ມັງກອນ 2017 ປະລິມານໝອກໜາຫຼາຍຂອງເມືອງປາກກິ່ງ, ທຽນຈິນ, ເຫີ້ເປ່ຍ ໄດ້ຫຼາຍຂຶ້ນຈົນຫຼຸດລະດັບການເບິ່ງເຫັນລົງມາໜ້ອຍກວ່າ 500 ແມັດ, ຂະນະທີ່ມົນທົນເຫີ່ໜານ, ຊານຕົງ, ອານຮຸຍ ແລະຈຽງຊູ ຕົກຢູ່ໃນສະຖານະການຂັ້ນຮຸນແຮງ ເພາະລະດັບການເບິ່ງເຫັນຫຼຸດລົງຕໍ່າກວ່າ 50 ແມັດ
ທາງດ້ານກົມອຸຕຸນິຍົມວິທະຍາແຫ່ງຊາດຂອງຈີນ ຍັງເຕືອນສະຖານະການໝອກໃນລະດັບສີສົ້ມໃນທາງພາກເໜືອ, ພາກຕາເວັນອອກ ແລະພາກກາງຂອງຈີນ ຫຼັງຈາກແຜ່ປົກຄຸມພື້ນທີ່ດັ່ງກ່າວ ມາຕັ້ງແຕ່ວັນສຸກ ວັນທີ 30 ທັນວາ 2016ຜ່ານມາ ເຊິ່ງກະແສລົມໜາວ ຈະຊ່ວຍບັນເທົາໝອກ ແລະຄວັນໄດ້ ໃນຊ່ວງວັນພຸດ ແລະວັນພະຫັດນີ້