ໃນຄໍລຳ ຄວາມງາມ ມື້ນີ້ແອັດມິນຈະມາເອົາໃຈຄົນທີ່ມີບັນຫາໜ້າມັນ ມີໜ້າມັນເປັນປະຈຳ ໂດຍຈະມາແນະນຳສູດພອກໜ້າທີ່ເຮັດຈາກໝາກໄມ້, ພືດຜັກທີ່ເຮົາກິນຢູ່ເປັນປະຈຳ ວິທີການເຮັດກໍ່ງ່າຍໆ ເຊິ່ງຈະເຮັດແນວໃດນັ້ນເຮົາມາອ່ານນຳກັນເລີຍ
ສູດສຳລັບຄົນໜ້າມັນ
ສູດທີ 1 ໃຊ້ໝາກເລັ່ນໃຫຍ່ສຸກ 1 ໜ່ວຍ ບົດໃຫ້ລະອຽດ ແລ້ວນຳມາພອກໜ້າໄວ້ປະມານ 10-15 ນາທີ ຈາກນັ້ນກໍ່ລ້າງອອກດ້ວຍນ້ຳອຸ່ນ ແລ້ວກໍ່ລ້າງໜ້າດ້ວຍນ້ຳເຢັນອີກຄັ້ງໜຶ່ງເພື່ອກະຊັບຮູຂຸມຂົນ ເຮັດອາທິດລະ 1 ຄັ້ງ ນອກຈາກຈະຊ່ວຍກຳຈັດຄວາມມັນທີໜ້າໄດ້ແລ້ວ ໃບໜ້າຍັງໄດ້ຮັບວິຕາມິນຊີ ແລະ ກຣົດ AHA ໃນໝາກເລັ່ນ ເຊິ່ງຈະຊ່ວຍເຮັດໃຫ້ໜ້າຂາວໃສ ແລະ ສິວສ້ຽນລຸດລອກອອກໄປອີກຕາງຫາກ
ສູດທີ 2 ໃຊ້ໝາກແຕງຊອຍເປັນປ່ຽງບາງໆ ແລ້ວນຳມາແປະໃສ່ທົ່ວໃບໜ້າ ປະໄວ້ປະມານ 30-60 ນາທີ ຈາກນັ້ນຈິ່ງລ້າງອອກດ້ວຍສະອາດ ໃບໜ້າຂອງທ່ານຈະຮູ້ສຶກສະອາດ,ສົດຊື່ນ ແລະ ໃສຂຶ້ນ ຫາກເຮັດເປັນປະຈຳອາທິດລະເທື່ອ ນອກຈາກຈະຊ່ວຍໃຫ້ຄວາມມັນຫາຍໄປແລ້ວ ຍັງເຮັດໃຫ້ໜ້າເຕັ່ງຕຶງອີກດ້ວຍ
ສຳລັບຄົນທີ່ມີບັນຫາໜ້າມັນລອງນຳສູດທີ່ວ່ານີ້ໄປໃຊ້ລອງເບິ່ງເດີ້ ຮັບຮອງວ່າໄດ້ຜົນດີແນ່ນອນ ເພາະແອັດມິນໃຊ້ມາແລ້ວ ໃຊ້ດີຈິ່ງບອກຕໍ່
ຂໍ້ມູນຈາກ: http://women.sanook.com/55729/
ຕິດຕາມນານາສາລະ ກົດໄລຄ໌ເລີຍ!