ຜ່ານການລົງຕິດຕາມສະພາບລາຄາສິນຄ້າ ໃນໄລຍະສະຫຼອງປີໃໝ່ສາກົນ 2017 ຢູ່ຕາມທ້ອງຕະຫລາດ ນະຄອນຫຼວງວຽງຈັນຂອງນັກຂ່າວພວກເຮົາເຊັ່ນ: ຕະຫຼາດໂພນສະຫວ່າງ, ຕະຫຼາດສະພານທອງ, ຕະຫຼາດຂົວດິນ ແລະ ແຫ່ງອື່ນໆເຫັນວ່າ ສິນຄ້າປະເພດເຄື່ອງບໍລິໂພກຫລາຍຢ່າງ ແມ່ນຢູ່ໃນເກນປົກກະຕິເຊັນ: ຊີ້ນງົວລາຄາຢູ່ໃນລະດັບເກົ່າ 70-75 ພັນກີບ/ກິໂລ, ຊີ້ນໝູ 30-35 ພັນກີບ/ກິໂລ, ເປັດ-ໄກ່ 40-45 ພັນກີບ/ກິໂລ, ປານິນກະຊັງ 16-18 ພັນກີບ/ກິໂລ, ສ່ວນລາຄາພືດຜັກຕ່າງໆ ກໍມີບາງຊະນິດມີລາຄາຫຼຸດລົງ ຫຼື ເພີ່ມຂຶ້ນກໍພຽງປະມານ 1-2 ພັນກີບ. ຕາມລະດູການຂອງມັນຄື: ຜັກກາດຂາວ, ຜັກບົ້ງ, ຜັກຫົ່ມ, ຜັກຫອມ, ໝາກເຜັດ, ໝາກນາວ ແລະ ອື່ນໆ, ຂະນະທີ່ຊາວຄ້າຂາຍກໍຍອມຮັບວ່າ: ໃນໄລຍະປີໃໝ່ສາກົນນີ້ ລາຄາສິນຄ້າບໍລິໂພກແມ່ນຢູ່ໃນເກນປົກກະຕິດີຕາມກົນໄກຕະຫຼາດ, ທັງນີ້ກໍຍ້ອນຄວາມເອົາໃຈໃສ່ຕິດຕາມ, ກວດກາ ແລະ ຄວບຄຸມລາຄາສິນຄ້າຢ່າງເຂັ້ມງວດຂອງພາກສ່ວນກ່ຽວຂ້ອງ ແລະ ເຖິງວ່າຈະເປັນວັນສຳຄັນ ທີ່ມີຄວາມຕ້ອງການສິນຄ້າຂອງຜູ້ບໍລິໂພກຫຼາຍຂຶ້ນ, ແຕ່ກໍສາມາດຕອບສະໜອງຄວາມຕ້ອງການໄດ້ພຽງພໍ ແລະ ຮັບປະກັນໃຫ້ລາຄາສິນຄ້າບໍ່ມີການເໜັງຕີງ.
ແນວໃດກໍຕາມ ພາກສ່ວນກ່ຽວຂ້ອງ ກໍຄວນຈະຕ້ອງສືບຕໍ່ຕິດຕາມ ແລະ ຄວບຄຸມລາຄາສິນຄ້າຢູ່ຕາມທ້ອງຕະຫຼາດ ໃຫ້ເປັນປົກກະຕິ ເພື່ອສະກັດກັ້ນການສວຍໂອກາດ ຂື້ນລາຄາສິນຄ້າຕາມລຳພັງດັ່ງທີ່ເຄີຍເປັນມາ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!