ສຳນັກຂ່າວຕ່າງປະເທດ ລາຍງານໃນວັນທີ 3 ມັງກອນຜ່ານມານີ້ວ່າ ເກີດເຫດໄຟປ່າໄໝ້ລາມຢ່າງຮຸນແຮງ ຢູ່ເມືອງວັນປາໄຣໂຊ ແຄມຝັ່ງທະເລຂອງປະເທດຈີເລ ເມື່ອຕອນຫົວຄ່ຳຂອງວັນທີ 2 ມັງກອນເປັນຕົ້ນມາ ຫລ້າສຸດມີເຮືອນຊາ່ນຂອງປະຊາຊົນ ຖືກໄຟໄໝ້ເສຍຫາຍແລ້ວ ຫລາຍກວ່າ 100​ ຫລັງຄາເຮືອນ ໃນຂະນະທີ່ທາງການຈີເລ ເລັ່ງອົບພະຍົບປະຊາຊົນກວ່າ 400 ຄົນ ອອກໄປສູ່ເຂດທີ່ປອດໄພ.

ທ່ານ ມະມູດ ອາລິວວີ ລັດຖະມົນຕີກະຊວງພາຍໃນຈີເລ ໄດ້ຖະແຫລງວ່າ ມີຊາວບ້ານໄດ້ຮັບບາດເຈັບເລັກໜ້ອຍ 19 ຄົນ ໃນຂະນະທີ່ເຮືອນຊານຂອງປະຊາຊົນອີກ ປະມານ 500​ ຫລັງ ຍັງມີຄວາມສ່ຽງທີ່ຈະຖືກໄຟໄໝ້ລາມໄປເຖິງ, ປັດຈຸບັນທາງການ ໄດ້ລະດົມເຈົ້າໜ້າທີ່ມອດໄຟເກືອບ 50 ໜ່ວຍ ຈາກເມືອງວັນປາໄຣໂຊ ແລະ ເຂດເທດສະບານໃກ້ຄຽງ ເຂົ້າມາຊ່ວຍມອດໄຟ ຂະນະທີ່ພະນັກງານສືບສວນ ຍັງຢູ່ລະຫວ່າງການຊອກຫາສາເຫດຂອງໄຟໄໝ້ປ່າຄັ້ງນີ້.

ຕິດຕາມເຮົາທາງFacebook ກົດຖືກໃຈເລີຍ!