ກ່ອນທີ່ຈະເຂົ້າສູ່ບົດຄວາມນີ້ຜູ້ຂຽນຢາກຂໍເຕືອນຜູ້ອ່ານທຸກຄົນວ່າຕໍ່ໄປນີ້ຈະເປັນການ “Spoil (ສະປອຍ)” ເລື່ອງລາວພາຍໃນໂຕເກມຕໍ່ໄປນີ້ຄື: Suikoden ll, The Walking Dead, Metal Gear 3, BioShock 2, Journey, ແລະ To The Moon ຖ້າຫາກໃຜຍັງບໍ່ພ້ອມທີ່ຈະຮັບເອົາສະປອຍນີ້ ຫຼືຍັງຫຼິ້ນບໍ່ທັນຈົບໃຫ້ຂ້າມໄປໄດ້ເລີຍ ເພາະນີ້ຖືວ່າເປັນກ່າວເຖິງຕອນສຳຄັນໆໃນເກມທັງນັ້ນ. ຖ້າໃຜບໍ່ຢ້ານເຮົາມາເບິ່ງນຳກັນເລີຍວ່າມີເກມໃດແດ່ທີ່ຈະເຮັດໃຫ້ຜູ້ຫຼິ້ນເສຍນ້ຳຕາໄດ້.
- Suikoden ll ສາກການຕາຍຂອງ Nanimi
ເກມທີ່ເຮົາຈະໄດ້ປະຈົນໄພເພື່ອເຝິກຝົນການເປັນຜູ້ນຳອານະຈັກ ເຊິ່ງເຮົາຈະໄດ້ພົບສະມາຊິກຫຼາກຫຼາຍເຊິ່ງໜຶ່ງໃນນັ້ນກໍຄື: ນ້ອງສາວຂອງຕົນເອງເຊິ່ງໃນຕອນທ້າຍນາງກໍໄດ້ຕາຍໃນອ້ອມເອິກຂອງໂຕເອກເຮົານີ້ເອງ.
- Tellatle’s The Walking Dead ສາກການຕາຍຂອງ Lee
ເກມທີ່ມີເນື້ອເລື່ອງເຂັ້ມຂຸ້ນບໍ່ໄດ້ນ້ອຍໜ້າໄປກວ່າຊີຣີເລີຍ ເຊິ່ງ Lee ໂຕເອກຂອງເກມນັ້ນໄດ້ຖືກ Walker ກັດໃສ່ຕອນທ້າຍເຊິ່ງເຮົາກໍເລືອກໄດ້ວ່າຈະໃຫ້ໜູນ້ອຍ Clementine ຍິງເຮົາຫຼືປ່ອຍເຮົາໄວ້ ເຊິ່ງຖ້າເປັນສາກທີ່ເຮົາເລືອກໃຫ້ຍິງເຮົານີ້ເວົ້າໄດ້ວ່າຫົດຫູ່ກັນສຸດໆເລີຍ.
- Metal Gear 3 Snake Eater
ໃນພາກນີ້ນັ້ນຕອນທຳອິດເຮົາຈະຄຶດກັນວ່າ: Naked Snake ຫຼື The Boss ນັ້ນເປັນຄົນທໍລະຍົດປະເທດແຕ່ໃນຄວາມຈິງແລ້ວ ພັດເປັນແບ້ຮັບບາບເພື່ອທີ່ຈະບໍ່ໃຫ້ເກີດສົງຄາມລະຫວ່າງສະຫະລັດກັບສະຫະພາບໂຊວຽດແທນ ເວົ້າໄດ້ວ່າງານນີ້ວິລະບູລຸດສຸດໆເລີຍ.
- Bioshock 2 ສາກຈົບແບບດີ
ໃນຕອນຈົບນັ້ນຖ້າເຮົາຫຼິ້ນແບບຄົນດີ ກໍຈະເຮັດໃຫ້ Eleanor ດູດເອົາ Adam ອອກຈາກໂຕເຮົາໃນຕອນທີ່ເຮົາໃກ້ຕາຍເພື່ອໃຫ້ເປັນໜຶ່ງດຽວກັນ ເວົ້າໄດ້ວ່າຊຶ້ງສຸດໆເລີຍເມື່ອທຽບກັບສາກຈົບແບບບໍ່ດີ.
- Journey ສາກຈົບຂອງການປະຈົນໄພ
ເກມປະຈົນໄພທີ່ບໍ່ມີບົດເລີຍໝົດເກມ ທີ່ສື່ດ້ວຍພາບ ແລະເພງຢ່າງດຽວເທົ່ານັ້ນ ເຊິ່ງໃນຕອນສຸດທ້າຍທີ່ເຮົາຈະຕາຍຢູ່ເທິງພູເຂົາຫິມະແຕ່ວ່າພັດຖືກສົ່ງຂຶ້ນໄປໃນຍອດເຂົາທີ່ເຮົາຈະຍ່າງຜ່ານເຂົ້າໄປໃນແສງ ແລະມີເພງປະກອບຂຶ້ນມານຳ ເຊິ່ງເປັນສາກຈົບທີ່ອົບອຸ່ນໃຈກັນເລີຍ.
- To The Moon ສາກຈົບ
ເກມທີ່ມີເລື່ອງລາວກ່ຽວກັບຄວາມຮັກ, ການຊອກຫາຄວາມຝັນຂອງໃຜບາງຄົນທີ່ມີນັກວິທະຍາສາດໃຊ້ເຄື່ອງທີ່ຍ້ອນໄປໃນຄວາມຊົງຈຳຂອງຊາຍເຖົ້າໃກ້ຕາຍເທິງຕຽງ ເຊິ່ງຄວາມຝັນສູງສຸດຂອງລາວນັ້ນກໍຄືບິນໄປທີ່ດວງຈັນ ໂດຍໃນຕອນຈົບນັ້ນຈະເຮັດໃຫ້ເຮົາຄຶດຮອດໂຕເລືອກຕ່າງໆທີ່ເຄີຍເລືອກມາໃນຊີວິດ ແລະສອນໃຫ້ຮູ້ເຖິງຄຸນຄ່າຂອງເວລາ ຖືວ່າເປັນເລື່ອງເສົ້າໆສຸດໆກັນເລີຍ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station