spot_img
Homeນານາສາລະ6 ວິທີງ່າຍໆ ເພື່ອຊ່ວຍເພີ່ມແຮງບັນດານໃຈໃນການເຮັດວຽກຂອງທ່ານພາຍໃນ 10 ນາທີ

6 ວິທີງ່າຍໆ ເພື່ອຊ່ວຍເພີ່ມແຮງບັນດານໃຈໃນການເຮັດວຽກຂອງທ່ານພາຍໃນ 10 ນາທີ

Published on

ການເຮັດວຽກໃນຮູບແບບເກົ່າໆ ຫຼື ຕ້ອງໃຊ້ສະໝອງຈົດຈຳຫຼາຍໆສິ່ງ ໃນແຕ່ລະມື້ ອາດຈະເຮັດໃຫ້ພະລັງໃນຮ່າງກາຍຂອງທ່ານ ຫຼື ປະສິດທິພາບໃນການເຮັດວຽກຂອງທ່ານຫຼຸດລົງໄປໄດ້ ມື້ນີ້ແອັດມິນເລີຍມີ 6 ວິທີງ່າຍໆ ເພື່ອຊ່ວຍເພີ່ມແຮງບັນດານໃຈໃນການເຮັດວຽກຂອງທ່ານ ໄດ້ພາຍໃນ 10 ນາທີ ມາຝາກແຟນເພສໃຫ້ໄດ້ອ່ານນຳກັນ ເຊິ່ງຈະມີຫຍັງແນ່ນັ້ນ ເຮົາມາອ່ານໄປພ້ອມໆກັນເລີຍ

1.​ ຂຽນ 3 ສິ່ງທີ່ທ່ານຄິດຢາກຂອບໃຈຫຼາຍທີ່ສຸດ ຈາກຜົນການວິໄຈ ຂອງມະຫາວິທະຍາໄລ ອາມີ ປະເທດສະຫະລັດອາເມລິກາ ພົບວ່າ ຜູ້ທີ່ມັກຂຽນບັນທຶກ ເຖິງສິ່ງທີ່ຕົນຮູ້ສຶກຢາກຂອບໃຈເປັນປະຈຳ ມັນຈະເປັນຄົນທີ່ເຮັດວຽກຢ່າງມີປະສິດທິພາບ, ມີຄວາມມຸ່ງໝັ້ນ ແລະ ມີພະລັງໃນການເຮັດວຽກຫຼາຍກວ່າຄົນທົ່ວໆໄປ ທ່ານລອງຄິດຍ້ອນກັບຄືນໄປອະດີດກວ່າທ່ານຈະມາຮອດຈຸດນີ້ໄດ້ ທ່ານເຄີຍໄດ້ຮັບໂອກາດຈາກໃຜ? ກຳລັງໃຈ ແລະ ອື່ນໆ…

2.​ ຈັດໂຕະເຮັດວຽກໃຫ້ເປັນລະບຽບຮຽບຮ້ອຍ ແລະ ສະອາດຢູ່ສະເໝີ ເມື່ອເວລາມາເຮັດວຽກຈະເຮັດໃຫ້ທ່ານຮູ້ສຶກສະບາຍຕາ,​ ຜ່ອນຄາຍ ແລະ ຊອກຈັບສິ່ງຂອງກໍ່ງ່າຍ

3. ເວົ້າຈາກກັບເພື່ອນຮ່ວມງານໃນບາງເວລາ (ນອກໂມງການ)ເພາະການມີມະນຸດສຳພັນທີ່ດີກັບເພື່ອນຮ່ວມງານ ຈະເຮັດໃຫ້ບັນຍາກາດໃນບ່ອນເຮັດວຽກສົດໃສຂຶ້ນ ຮູ້ສຶກໂລ່ງສະບາຍໃຈບໍ່ອຶດອັດ

4.​ ຂຽນເປົ້າໝາຍສູງສຸດໃນແຕ່ລະມື້ ຫຼື ສິ່ງທີ່ທ່ານຢາກເຮັດ ຫຼື ຄວນເຮັດໃນແຕ່ລະມື້ ວ່າມັນມີຫຍັງແນ່ ເພາະຖ້າຄົນເຮົາມີເປົ້າໝາຍແລ້ວກໍ່ຈະມີແຮງພັກດັນຕົນເອງໃຫ້ເດີນໄປຈົນເຖິງເປົ້າໝາຍທີ່ກຳນົດໄວ້

5. ຈົດສິ່ງທີ່ທ່ານຄວນເຮັດໃນແຕ່ລະມື້ ໃນການເຮັດວຽກແມ່ນຕ້ອງມີແຜນການ ແລະ ກໍ່ເຮັດໄປຕາມແຜນທີ່ວາງໄວ້ ເພື່ອເຮົາຈະໄດ້ຮູ້ວ່າແຕ່ລະມື້ເຮົາເຮັດສິ່ງໃດສຳເລັດແນ່ແລ້ວ

6. ອ່ານຄຳຄົມ ຫຼື ເລື່ອງລາວສ້າງແຮງບັນດານໃຈ ການອ່ານໜັງສືທີ່ກ່ຽວກັບໝວດຄຳຄົມ ຫຼື ເລື່ອງລາວຂອງຜູ້ທີ່ປະສົບຄວາມສຳເລັດໃນສາຂາອາຊີບຕ່າງໆ ກໍ່ສາມາດຊ່ວຍໃຫ້ເຮົາເກີດມີແຮງບັນດານໃຈໄດ້ເຊັ່ນດຽວກັນ

ສິ່ງທີ່ກ່າວມາຂ້າງເທິງນີ້ ເປັນພຽງໜຶ່ງທິດສະດີທີ່ຈະຊ່ວຍໃຫ້ຄົນທີ່ກຳລັງໝົດໄຟໃນການເຮັດວຽກ ເມື່ອໄດ້ອ່ານໄດ້ກໍ່ລອງເກັບເອົາໄປໃຊ້ລອງເບິ່ງ ເພື່ອມັນຈະຊ່ວຍໃຫ້ທ່ານມີແຮງບັນດານໃຈ ໃນການສ້າງສັນຜົນງານໃໝ່ໆໃນການເຮັດວຽກຂອງທ່ານໄດ້
ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...