spot_img
Homeຂ່າວຕ່າງປະເທດໄຟໄໝ້ຄ້າຍຄຸມຂັງໃນອີຣ່ານ ນັກໂທດເສຍຊີວິດຢ່າງໜ້ອຍ 11 ຄົນ

ໄຟໄໝ້ຄ້າຍຄຸມຂັງໃນອີຣ່ານ ນັກໂທດເສຍຊີວິດຢ່າງໜ້ອຍ 11 ຄົນ

Published on

557000009214002

 

ສຳນັກຂ່າວຕ່າງປະເທດລາຍງານວ່າ ມີນັກໂທດເສຍຊີວິດຢ່າງໜ້ອຍ 11 ຄົນ ຈາກການຂາດອາກາດຫາຍໃຈ

ແລະ ໃນຂະນະອີກ 14 ຄົນ ຖືກນຳໂຕສົ່ງໂຮງໝໍ ຫຼັງໄດ້ສູດດົມຄວັນທີ່ເກີດຈາກເຫດເພີງໄໝ້ຄັ້ງໃຫຍ່ພາຍໃນ

ຄ້າຍຄຸມຂັງ ຊາ ອີ ກອດ ທາງພາກກາງຂອງປະເທດອີຣ່ານ.

 

ທ່ານ ອັດກາ ຈາຮັນກີ ຜູ້ບັນຊາການຄ້າຍຄຸມຂັງດັ່ງກ່າວ ໄດ້ອອກມາເປີດເຜີຍໃນວັນອັງຄານ 5 ສິງຫາ 2014

ຜ່ານມານີ້ ໃນລະຫວ່າງທີ່ເຂົາໄດ້ເຂົ້າຮ່ວມການສຳມະນາດ້ານສິດທິມະນຸດຢູ່ນະຄອນຫຼວງເຕເຮຣານວ່າ ເຫດ

ເພີງໄໝ້ດັ່ງກ່າວນີ້ ເກີດຂຶ້ນໃນຕອນບ່າຍຂອງວັນຈັນທີ 4 ສິງຫາ 2014 ເຊິ່ງມີສາເຫດມາຈາກຄວາມພະຍາ

ຍາມວາງເພີງຂອງເຫຼົ່ານັກໂທດ, ແຕ່ຢືນຢັນບໍ່ມີການປະເຊີນໜ້າ ຫຼື ປະທະກັນ ລະຫວ່າງບັນດານັກໂທດກັບ

ເຈົ້າໜ້າທີ່ຂອງຄ້າຍຄຸມຂັງແຕ່ປະການໃດ.

 

ເຖິງຢ່າງໃດກໍຕາມ ເວັບໄຊຂ່າວຂອງຝ່າຍຕໍ່ຕ້ານລັດຖະບານໃນອີຣ່ານລາຍງານວ່າ ເຫດເພີງໄໝ້ທີ່ມີຕົ້ນຕໍ

ມາຈາກການທີ່ນັກໂທດຈູດໄຟເຜົາເສື້ອຜ້າ ແລະ ບ່ອນນອນຄັ້ງນີ້ ເກີດຂຶ້ນມາຈາກຄວາມຄຽດແຄ້ນຂອງບັນ

ດານັກໂທດ ທີ່ເຫັນໝູ່ເພື່ອນຜູ້ຕ້ອງຂັງຂອງຕົນເອງ ຖືກເຈົ້າໜ້າທີ່ຄ້າຍຄຸມຂັງລົງໂທດ ຫຼັງຈາກທີ່ເຂົາໄດ້ປະ

ທ້ວງເຖິງສະພາບຄວາມເປັນຢູ່ທີ່ເຊື່ອມຊາມໃນຄ້າຍຄຸມຂັງ ພ້ອມກັບກ່າວຫາເຈົ້າໜ້າທີ່ຂອງຄ້າຍຄຸມຂັງວ່າ

ຂັດຂວາງບໍ່ໃຫ້ເຈົ້າໜ້າທີ່ດັບເພີງ ແລະ ລົດໂຮງໝໍເຂົ້າໄປພາຍໃນອີກດ້ວຍ.

 

ດ້ານສຳນັກຂ່າວຂອງລັດຖະບານອີຣ່ານເອງໄດ້ລາຍງານວ່າ ໃນຂະນະນີ້ທາງການໄດ້ສັ່ງທີມສອບສວນໄປຍັງຄ້າຍ

ຄຸມຂັງດັ່ງກ່າວແລ້ວ ເພື່ອສືບສວນເຖິງເຫດການທີ່ເກີດຂຶ້ນ.

 

ທັງນີ້ ໂສກນາຕະກຳທີ່ເກີດຂຶ້ນຄັ້ງລ່າສຸດ ຖືເປັນເລື່ອງສະຫຼົດໃຈພາຍໃນຄ້າຍຄຸມຂັງ ທີ່ເກີດຂຶ້ນເປັນເທື່ອທີ 2

ແລ້ວ ໃນໄລຍະພຽງ 3 ເດືອນ ຫຼັງຈາກກ່ອນໜ້ານີ້ມີລາຍງານວ່າ ເຈົ້າໜ້າທີ່ຄ້າຍຄຸມຂັງກໍ່ເຫດທຳຮ້າຍນັກໂທດ

ພາຍໃນຄ້າຍຄຸມຂັງເອວິນ ຂອງນະຄອນຫຼວງເຕເຮຣານ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...