spot_img
Homeຮູບເງົາລວມ 10 ດາລານັກສະແດງທີ່ຫຼິ້ນດີແຕ່ວ່າບໍ່ເຄີຍໄດ້ Oscar ຈັກເທື່ອ

ລວມ 10 ດາລານັກສະແດງທີ່ຫຼິ້ນດີແຕ່ວ່າບໍ່ເຄີຍໄດ້ Oscar ຈັກເທື່ອ

Published on

ເຄີຍບໍ່ເວລາທີ່ເຮົາເບິ່ງຮູບເງົາເລື່ອງທີ່ມັກ ແລະມັກຈະເຊຍໃຫ້ນັກສະແດງໃນເລື່ອງນັ້ນໄດ້ຮັບລາງວັນຊົງຄຸນຄ່າແບບ Oscar ແຕ່ສຸດທ້າຍກະບໍ່ໄດ້ ແລະມື້ນີ້ເຮົາຈະພາເຈົ້າໄປຮູ້ຈັກກັບ 10 ນັກສະແດງທີ່ຫຼິ້ນໄດ້ດີແຕ່ວ່າບໍ່ເຄີຍໄດ້ຮັບລາງວັນ Oscar ເລີຍ.

Robert Downey, Jr.

ດາລາທີ່ດັງລະເບີດໃນບົດ Ironman ເຊິ່ງເປັນການດຶງລາວຂຶ້ນມາຈາກການຕົກອັບເນື່ອງຈາກບັນຫາຢາເສບຕິດ ໃຫ້ກາຍມາເປັນຊູບເປີສຕາຣ໌ພາຍໃນເວລາບໍ່ດົນ ແຕ່ວ່າກໍບໍ່ເຄີຍໄດ້ລາງວັນ Oscar ຂອງໂຕເອງມາຈັກເທື່ອເລີຍ, ອາດເວົ້າໄດ້ວ່າຄົງຕ້ອງຖ້າໃຫ້ມີບົດອື່ນດີໆ ນອກຈາກ Ironman ມາໃຫ້ລາວລອງສະແດງເບິ່ງຈຶ່ງຈະມີສິດເຂົ້າຊິງ.

 
 

Tom Cruise

1 ໃນດາລາທີ່ເວົ້າໄດ້ວ່າເຖິງອາຍຸຈະຫຼາຍຊ່ຳໃດແຕ່ໜ້າຕາກໍຍັງໜຸ່ມໆຄືເກົ່າ ເຊິ່ງຜ່ານມາກໍຫຼິ້ນຮູບເງົາມາຫຼາກຫຼາຍແນວ ແຕ່ວ່າສ່ວນໃຫຍ່ນັ້ນຈະເປັນແນວບູ້ແອັກຊັ່ນກັນຫຼາຍກວ່າເຊັ່ນ: Mission Impossible ເປັນຕົ້ນ. 

 

Sigourney Weaver

ດາລາລຸ້ນປ້າທີ່ຫຼາຍໆຄົນໜ້າຈະຮູ້ຈັກກັນດີໃນບົດ Ripley ສາວໂຫດຈາກເລື່ອງ Alien 1-4 ທີ່ເຖິງວ່າຈະມີງານສະແດງເຂົ້າມາຢູ່ເລື້ອຍໆກໍຕາມ ແຕ່ Oscar ກໍບໍ່ມາຮອດມືເພິ່ນຈັກເທື່ອ ຫຼືວ່າອາດຈະຕ້ອງກັບມາຮັບບົດໃນ Alien ພາກໃໝ່ກ່ອນຈຶ່ງຈະໄດ້ຮັບ?.

 
Samuel L. Jackson

ດາລາຜິວສີທີ່ດັງສຸດໆເພາະມາໃນທຸກຍຸກສະໄໝ ເນື່ອງຈາກວ່າອ້າຍເພິ່ນຫຼິ້ນຮູບເງົາມາຫຼາຍສຸດໆເລີຍກໍເວົ້າໄດ້ ແຕ່ສິ່ງທີ່ໜ້າແປກໃຈສຸດໆກໍຄືເປັນຫຍັງຈຶ່ງບໍ່ໄດ້ຮັບລາງວັນຈັກເທື່ອ ເພາະບົດບາດຫຼາຍໆເລື່ອງນັ້ນກໍເອື້ອອຳນວຍໃຫ້ໄດ້ບໍ່ແມ່ນໜ້ອຍເລີຍ. 

 

Joaquin Phoenix

ຖ້າຫາກໃຜທີ່ເບິ່ງຮູບເງົາມາຫຼາຍພໍຈະຕ້ອງຮູ້ຈັກກັນດີ ຫຼັກໆກໍແມ່ນມາຈາກ Gladiator ແລະ Her ເຊິ່ງເຄີຍໄດ້ຊິງ Oscar ມາແລ້ວສາມເທື່ອທັງຈາກ Gladiator, Walk the Line ແລະ The Master ແຕ່ກໍໜ້າເສຍດາຍເພາະອົດໄດ້ທັງ 3 ເທື່ອເລີຍ. 

 
Johnny Depp

ດາລາທີ່ຫຼາຍໆຄົນໜ້າຈະຮູ້ຈັກຈາກບົດ Jack Sparrow ທີ່ເຄີຍຝາກຜົນງານໄວ້ໃນຮູບເງົາຫຼາຍເລື່ອງຕັ້ງແຕ່ 10-20 ກວ່າປີມາແລ້ວທັງເລື່ອງທີ່ດັງແດ່ ແລະບໍ່ດັງແດ່, ແຕ່ກໍຍັງບໍ່ເຄີຍໄດ້ຮັບລາງວັນນຳໝູ່ຈັກເທື່ອ ເຊິ່ງອາດຕ້ອງຖ້າລຸ້ນໃນການກັບມາຂອງ Pirate ພາກໃໝ່ທີ່ໜ້າຈະຊ່ອຍໃຫ້ລຸ້ນຮັບ Oscar ມາກອດກະໄດ້

 
Liam Neeson

ດາລາທີ່ຫຼັງໆມານີ້ເນັ້ນຮັບບົດແອັກຊັ່ນຫຼາຍຂຶ້ນ ເຊິ່ງຫຼາຍຄົນອາດຈະເຄີຍເຫັນຄວາມເທບໃນເລື່ອງ Taken 1-3 ມາແລ້ວ ແຕ່ວ່າບົດທີ່ດີທີ່ສຸດໃນຊີວິດຂອງລາວແມ່ນບົດນຳໃນ Schindler’s List ນັ້ນພັດວ່າບໍ່ໄດ້ Oscar ໄປແບບໜ້າເສຍດາຍ. 

 

Harrison Ford

Hansolo, Indiana Jones ແລະບົດນຳຕ່າງໆອີກຫຼາຍໆເລື່ອງ ເຊິ່ງບໍ່ຕ້ອງບັນຍາຍໃຫ້ຫຼາຍກັບລຸງຄົນນີ້ທີ່ຝາກຜົນງານໄວ້ຕັ້ງແຕ່ໜຸ່ມຈົນເຖົ້າ ແຕ່ສິ່ງທີ່ໜ້າເສຍດາຍຄືງານຄຸນນະພາບຫຼາຍເລື່ອງນັ້ນພັດອົດໄດ້ Oscar ໄປແບບໜ້າເສຍດາຍ. 

 

Edward Norton

ດາລາຄຸນນະພາບທີ່ແຕ່ລະເລື່ອງນັ້ນເວົ້າໄດ້ວ່າເຂົ້າເຖິງບົດໄດ້ສຸດໆທັງ Fight Club, American History X , Primal Fear ແລະ Birdman ນັ້ນເປັນອີກຄົນທີ່ອົດໄດ້ Oscar ໄປແບບໝົດຫວັງຄືກັບຄົນອື່ນໆ.

 

Mark Wahlberg

ດາລາບູ້ແອັກຊັ່ນທີ່ຫຼິ້ນຮູບເງົາສ້າງຈາກເລື່ອງແທ້ມາແບບລົວໆ ທັງ Deep Waterhorizon, Lone Survivor, Patriot Day ຫຼືລຸຍກັບຫຸ່ນຍົນໃນ Transformers ກໍເຮັດມາແລ້ວ ຫຼືເປັນນັກຊຸ້ມຍິງສຸດເກັ່ງໃນ Shooter ແຕ່ເຖິງຢ່າງໃດກໍຕາມລາວກໍອົດໄດ້ Oscar ໄປໝົດ ຫຼືແມ້ແຕ່ບົດສົມທົບໃນ The Departed ທີ່ໜ້າຈະໄດ້ແຕ່ກະພັດບໍ່ໄດ້. 

 

ເຖິງວ່າລາງວັນ Oscar ນັ້ນຈະບໍ່ແມ່ນທຸກສິ່ງແຕ່ກໍຖືວ່າເປັນໜຶ່ງໃນລາງວັນທີ່ໜ້າຈັບຕາແນມທີ່ສຸດລາງວັນໜຶ່ງເລີຍກໍເວົ້າໄດ້, ຮັກໃຜມັກໃຜກໍສາມາດເຊຍກັນໄດ້ເດີ້ ເມື່ອຮອດຕອນປະກາດຜົນແລ້ວມາຖ້າລຸ້ນພ້ອມກັນໄດ້ ^^.

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...