ກະທຽມ ສະໝຸນໄພຊະນິດໜຶ່ງທີ່ມີຄຸນປະໂຫຍດຫຼາຍ ເປັນວັດຖຸດິບໜຶ່ງ ໃນເມນູ ອາຫານຫຼາຍປະເພດທີ່ຄົນມັກແຕ່ງ ແລະຍັງມີປະໂຫຍດຕໍ່ຮ່າງກາຍຂອງຄົນເຮົາຫຼາຍຢ່າງ
- ຫຼຸດຈຸກສຽບແໜ້ນທ້ອງ: ໃຊ້ຫົວກະທຽມ 5-7 ກີ້ມ ມາປອກເປືອກ ເອົາມາຕໍາໃຫ້ລະອຽດ ເພີ່ມນໍ້າສົ້ມສາຍຊູປະມານ 2 ບ່ວງ ປຸງລົດຊາດດ້ວຍນໍ້າຕານ ຫຼືເກືອເລັກໜ້ອຍເພື່ອໃຫ້ກິນງ່າຍ ແລະກິນຫຼັງຈາກອາຫານ
- ຂັບແມ່ທ້ອງໄດ້ຫຼາຍຊະນິດ: ເພາະກະທຽມມີສານໄດອັລລິສ ໄດຊັລໄຟ ມີລິດໃຊ້ຂ້າແມ່ທ້ອງໄດ້ດີ
- ປ້ອງກັນມະເຮັງ: ດ້ວຍການກິນກະທຽມ ໃນປະລິມານ 2-5 ມິລິກຣາມຕໍ່ມື້ ຫຼືຢ່າງໜ້ອຍ 1 ກີ້ມຕໍ່ມື້ ກໍຊະຊ່ວຍປ້ອງກັນມະເຮັງ ແລະຫຼຸດການເພີ່ມຈຳນວນເຊວ
- ແກ້ທ້ອງບິດ: ເພາະກະທຽມມີລິດຂ້າເຊື້ອພະຍາດທີ່ເປັນພິດກັບລຳໄສ້ໄດ້ດີ ເຊິ່ງມີສານສຳຄັນຄືກາລິຊິນ ດ້ວຍການກິນກະທຽມ 12-15 ກີ້ມຕໍ່ມື້ ດ້ວຍການປອກກາບອອກ ແລ້ວບົດກິນດິບໆ ປະສົມນໍ້າເຜິ້ງ ຫຼືນໍ້າຕານລົງເລັກໜ້ອຍ ກິນມື້ລະ 3 ເທື່ອຫຼັງອາຫານ
- ຮັກສາບາດແຜທີ່ເນົ່າເປື່ອຍ ແລະເປັນໜອງ: ເພາະສາມາດຢັບຢັ້ງເຊື້ອຕ່າງໆເຊັ່ນ ເຊື້ອທີ່ເຮັດໃຫ້ເປັນໜອງ ແລະຮັກສາບາດແຜສົດໆ ດ້ວຍການເອົາກະທຽມມາ 1 ຫົວ ປອກເປືອກແລ້ວຕຳລະອຽດ ແລ້ວພອກບໍລິເວນທີ່ເປັນແຜ ປະໄວ້ 30 ນາທີ ແລ້ວເອົາອອກມາທຳຄວາມສະອາດແຜ ຈະຊ່ວຍໃຫ້ຄ່ອຍໆດີຂຶ້ນໄດ້
- ຫຼຸດໄຂມັນໃນເສັ້ນເລືອດ, ຫຼຸດຄວາມດັນເລືອດ ຫຼືປິ່ນປົວພະຍາດເສັ້ນເລືອດຫົວໃຈ ແລະສະໝອງຕີບ: ດ້ວຍການກິນກະທຽມສົດ ຄັ້ງລະ 5 ກຣາມ ດ້ວຍການບົດໃຫ້ມຸ່ນໃຫ້ໄດ້ 1 ບ່ວງກາເຟ ກິນພ້ອມອາຫານທຸກມື້ວັນລະ 3 ເທື່ອ
ຕິດຕາມນານາສາລະ ກົດໄລຄ໌ເລີຍ!