ອີງຕາມສໍານັກຂ່າວຕ່າງປະເທດລາຍງານວັນທີ 27 ທັນວາ ທີ່ຜ່ານມາວ່າ: ເບຄກ້າ ເດຣກ ຍິງສາວຄົນຮັກໝາເປັນຊີວິດຈິດໃຈ ອາຍຸ 40 ປີ ຄົນໜຶ່ງໃນມົນທົນເຊຊະເຊີຣ໌ ປະເທດອັງກິດ ຖີ້ມວຽກຊ່າງເສີມຄວາມງາມຂອງຕົນເອງ ເພື່ອມາເບິ່ງແຍງໝາສາຍພັນປັ໊ກ ທີ່ລາວຮັບມາລ້ຽງໄວ້ກວ່າ 30 ໂຕ ໂດຍໃນແຕ່ລະປີລາວຕ້ອງໃຊ້ເງິນໃນການລ້ຽງລູກໝາປະມານ 20,000 ປອນ ຊຶ່ງປີນີ້ລາວໃຊ້ເງິນໄປກວ່າ 1,000 ປອນ ສໍາຫຼັບໝາຂອງລາວໃນເທດສະການຄຣິດສະມາດ.
ນອກນີ້ ລາວຍັງໄດ້ເຮັດການກໍ່ຕັ້ງມູລະນິທິຊ່ວຍເຫຼືອໝາອີກດ້ວຍ ຊຶ່ງລາວເຜີຍວ່າ ຕະຫຼອດ 10 ປີມານີ້ ລາວໃຊ້ຈ່າຍເງິນໄປແລ້ວກວ່າ 13 ລ້ານປອນ ໃນການລ້ຽງດູພວກມັນເປັນຢ່າງດີ ທັງເລື່ອງອາຫານການກິນ, ອອກກໍາລັງກາຍ ຫຼືທີ່ພັກອາໄສ.
